■「青永屍」發文問「佔」時口響響的「十死士」去咗邊。 fb截圖在「雙學三丑」被判刑後，「佔中三丑」戴耀廷被鬧爆一直在背後煽動激進的年輕人違法，自己就龜縮想走數。其實，走數嘅點只佢一個，仲有所謂「佔中十死士」呢？有網上KOL（意見領袖）就在fb發帖，問點解啲報紙唔問吓�哋近況喎。有人質疑佢哋「違反《商品說明條例》」，叫「死士」唔去死，當初話「佔中」後會自首現在又冇件事，現在就唔知死咗去邊。但最終，大家都係將矛頭指向戴妖，話佢搞個「佔中」陷阱出嚟，送後生仔女坐監，必須要「死」。
「佔中」有所謂「十死士」，包括時為社工的邵家臻、著名作家陳慧、「主場新聞」創辦人蔡東豪、傳媒人徐少驊、對沖基金經理錢志健、律師鄧偉棕、醫生吳錦祥、中華基督教會香港區會資深牧師郭乃弘、中學通識科教師張銳輝、中學數學科教師潘瑩明，其中大部分均聲言在「佔中」後會主動自首，在法庭上不作抗辯。
所謂「叫人衝，自己鬆」。「十死士」當初講到咁偉大，好似隨時都會自焚「捨身就義」咁，但唔好話「死」，就連自首呢班人都要走數。其中，蔡東豪「佔中」後話自己「恐懼」結果摺咗「主場」，但短時間就再開「立場新聞」，令「我誤判、我恐懼、我行山」成為潮語。
徐少驊更忽然180度轉軚，在接受傳媒訪問時聲稱反對以違法手段爭民主，邵家臻當時更話對方係因為生意問題而「被迫」變臉，「我覺得佢好痛，佢係相信佔中」喎。
「死士變常侍」 「戴妖」必須「死」
一直支持反對派的「墳場新聞」創辦人「青永屍」，在「雙學三丑案」後於fb發帖，首先貼出「佔中三丑」同「十死士」的合照，其後在另一帖「問」道：「點解啲報紙唔訪問返果（嗰）啲佔中十死士問下（吓）佢地（哋）近況？」網民紛紛留言揶揄「十死士」係「十常侍」等等（見表），如「Ernest Lau」就揶揄道：「危險過後，徐少驊已復出在城寨勇武地吹水抗爭。」
不少網民就認為最「該死」的還是「佔中三丑」。 「Matt Tsui」狠批：「陳健民必須以死謝罪......大妖怪（戴耀廷）製造『佔領中環』陷阱送後生仔女坐監亦必須要死！」「Ngai Kim Mei」就為三丑辯護：「『佔中三子（丑）』案件已在區域法院進入程序，大家唔好以為佢地（哋）唔使坐監，成單案未處理完畢嗻（啫）！」「Liel Hanson」即秒殺道：「數學題：10-3=？」
「Anthony Mark」也批評稱：「戴妖當年所講既（嘅）佔領中環，人民力量早係（喺）2011年做左（咗），但當時人力班領導（毓民、大嚿同慢咇）起碼肯企出黎（嚟）先，唔似戴妖咁縮下（吓）又彈下（吓）。」「AH Wai」就揶揄：「戴妖而（𠵱）家都唔會號召十萬人自首，（『佔中』前稱）乜×迫爆監倉、乜×癱瘓司法界......全部唔見晒，喺（荔枝角拘留所）門口浪漫地唱生日歌咪算×數囉。」 ■香港文匯報記者 羅旦