面對刑事檢控的「港獨」分子黃台仰、李東昇及李倩怡等紛紛潛逃，唔通正被追數、有案在身嘅「青症雙邪」Cheap禎（游蕙禎）其實都想走佬，只係走唔到？據報，Cheap禎去年曾打算申請到台灣健行科技大學讀書但被拒絕。Cheap禎就話冇啲咁嘅事喎！有網民揶揄，做咗唔認一直都係佢哋嘅特色。有人就質疑佢申請讀書只係借口，最終目標就係着草。
據網媒《香港01》昨日報道，游蕙禎曾申請到台灣健行科技大學讀書，但最後不獲取錄，並引述健行科技大學電機工程系教授兼國合處處長彭椏富的回覆，指游蕙禎委託香港的代辦機構，提出就讀健行科技大學四技學士班的入學申請，惟最後大學參酌教育部審查意見，並經招生委員會討論，決議無法錄取游蕙禎，並將此結果通知香港的代辦機構。
辯稱「同名同姓」 網民唔信
不過，Cheap禎在接受查詢時就否認有申請到台灣讀書，更稱不排除有人與她「同名同姓」，但就聲言自己「若在財政情況允許下，一直有繼續進修的打算」，目前仍在「資料搜集階段」云云。
唔少網民都估Cheap禎真係有申請過。「Wong Si Si」質疑道：「姓游已不常見，重（仲）要連名都一樣。」「Chow Wing Siu Johnson」就揶揄：「如果有另一個人叫『游蕙禎』，都要即刻改名。」
「Shairhing Cheung」就懷疑「申請讀書只是借口，最終目標就是著（着）草去台灣」。「Joe Chu」寸道：「做左（咗）唔認一直都係佢地（哋）嘅特色。」「CheukMing Yuen」則恥笑Cheap禎不學無術：「温馨提示：妳不如從頭開始，讀番（返）小學先啦！」 ■香港文匯報記者 羅旦