■在香港浙商聯合會成立儀式上，王祖安（右一）與前特首兼浙商總會榮譽會長董建華（中）合照。 受訪者供圖王祖安旗下公司Tenacity去年大手斥資2.714億元英鎊（約30億港元）購入英國70 Gracechurch Street，佔地約21.4萬方呎，為目前公司於房地產業務最大一項投資。問到有否擔心英國「脫歐」會帶來影響，王祖安處之泰然，笑說：「下兩年肯定唔好，但嗰邊有人才、法律、語言和低稅等優勢，加上我哋有長租約期，回報率都有4厘，將來會渡過咗個浪；中國人成日講有危就有機，我覺得（現時）係個機會。」
看好英國發展前景
王祖安分析英國現況指：「首先英國低稅，目前公司稅率19%，2020年將為17%，多香港0.5個百分點；倫敦的稅與香港差不多，法律又差不多，『脫歐』則幫英國變得更包容和多元化；以前啲人去讀科技或法律，之後做金融界，但現在就去讀新科技，發展新行業，所以我的看法是將來的倫敦會比現在的倫敦更加好。」
他認為，要發展一間新公司，最重要是結合概念、人才和資金：「我阿爺成日都講，一定要有『人、人、人』，𠵱家你見到好多新公司去英國發展，因為嗰邊有人才，英國AI發展屬全球最頂尖之列，劍橋大學機械工程一直領先全球。將來英國會變成一個好包容、有不同行業公司喺度嘅地方，我哋去投資睇呢樣嘢。」
事實上，王祖安並非投資英國的獨行俠，中渝置地（1224）去年首季就斥資14.25億英鎊（約159億港元）購入兩項英國物業，8月再夥萬達以4.7億英鎊（約52億港元）購入一幅住宅地。李錦記去年7月亦以12.825億英鎊（約142億港元）購入有「對講機」之稱的20 Fenchurch Street。王祖安說：「好多評論話倫敦『脫歐』差，但做投資要睇事實，唔可以聽謠言做決定。」
倫敦買地平過北角
他笑稱：「仲有，你睇返我哋喺英國買嘅地方，呎價仲平過北角，北角如果有地拍賣，萬五蚊呎都走唔甩。𠵱家我哋回報率收緊4厘幾，仲有好好嘅租客，咁我哋嗰陣買3億英鎊樓下，呎價千幾英鎊一呎，我哋第日會再睇下點樣再發展。」問到項目未來會長線收租還是重建，他則表示要待現在的租約完結後再去考慮。