■網上有人以史泰龍死訊諷刺事件。 網上圖片「垃圾會議員」、「垃圾中的精英」、「是非不分」、「腦袋很重要希望每個人都有」......行政會議成員湯家驊因為誤傳一則網路謠言就俾班反對派中人鬧到咁，睇嚟一齊誤傳、有意參選立法會新界東補選嘅咖喱飯（范國威），喺呢班人嘅標準下應該就冇資格當選嘞。
荷里活動作明星史泰龍間唔中就俾人傳一次死訊，今次又圖文並茂，仲有佢病危咁款嘅圖，又再一次令唔少網民中伏，而湯家驊同咖喱飯亦係其中嘅中伏者。
手誤嘅嘢，係人都試過，不過呢，反對派都出晒名「公道」，當咖喱飯透明，淨係周圍唱話湯家驊中伏。同反對派好friend仲獲邀去過公民黨黨魁楊岳橋婚禮、被停職務的康宏主席王利民就發帖，話人「精英去到咁上下不但是非不分，直情真假（新聞）莫辨」。
佢發帖時，仲標註咗其「好友」、前公民黨嘅「議會陣線」立法會議員毛孟靜、公民黨議員陳淑莊同「人民力量」議員陳志全。
疑感心虛 刪文扮冇事
佢哋講到中伏者咁「罪大惡極」，唔知對於同樣中伏、「『內容農場』假新聞都唔識分」、「精英去到咁上下不但是非不分，直情真假（新聞）莫辨」，而又刪文扮冇事嘅咖喱飯會有咩評語呢？而咖喱飯自己，又會唔會感到心虛呢？■香港文匯報記者 甘瑜