■植潔鈴細心教導小朋友摺心心花。 香港文匯報記者鄭治祖 攝植潔鈴（Elaine）昨日在小西灣邨內擺設街站，教小朋友摺「心心花」向母親致敬，其姊姊Mandy及妹妹Angel也有到場幫手。原來，植家三姊妹除了基因強勁、樣貌相似，小時候也有跟着植太在區內做義工，並與時任東區區議員的民建聯鍾樹根一同參與社區服務，難怪植家成員自幼已深受街坊喜愛。
姊妹都靚爆 記者撈亂樣
植家「三小花」不論外貌及對服務社區的熱誠都非常相似，昨日到場採訪的記者更出現「撈亂家姐細妹」的情況。有記者指，「本來見到着粉紅色衫嘅Elaine教緊小朋友摺紙，後來以為佢換咗藍色衫再去同市民握手，點知原來係家姐。」
姊姊Mandy就憶述昔日三姊妹在區內做義工的片段，「嗰陣只要唔使返學，我哋就會落辦事處打躉，睇吓有咩幫手，幾充實幾開心！」她續說，自己在從事文職工作後已較少參與社區事務，但仍樂見全心投入社區服務的Elaine，「有時見佢咁努力都會諗返我哋細個嘅日子，街坊都熟到話收晒我哋做契女，希望佢今次成功（當選）喇！」
妹妹Angel則笑言，自己小時候不怕熱，最喜歡就是拿着辦事處的旗幟跑遍全邨，因此街坊都很熟悉植家三姊妹。她憶述，昔日鍾樹根最愛跟三姊妹說「最靚嗰個出嚟！」而她每次都會第一個跳出去，「佢（鍾樹根）為人風趣隨和，仲教我哋要主動問吓街坊有咩需要幫手。」■香港文匯報記者 鄭治祖