■找數啦後生仔。 網上圖片城市大學公共行政及管理副學士學生李宗澤，因在擔任游蕙禎議員助理期間衝擊立法會而被列入「黑名單」。近日，他以實習生身份在公民黨議員郭家麒議員辦事處工作，其後獲通知不得進入立法會。他聲稱自己「想讀個書做個普通人都要搞我」。有網民就話佢並唔係細路仔，出得嚟行就預咗要還，一切係咎由自取。
梁頌恆、游蕙禎與助理在2016年11月硬闖立法會會議室。立法會行政管理委員會其後禁止兩人的13名助理再進入立法會大樓，直至另行通知。李宗澤即為其中一人。今個暑假，佢因應課程要求到政黨實習，所以被派往郭家麒嘅議員辦事處工作，立法會係佢其中一個工作嘅地方。
不過，郭家麒接到立法會秘書處嘅通知，話李宗澤仍在「黑名單」上，拒絕他進入立法會。佢話自己當時只係「執行職務」，而喺事件發生咗一年半，佢都冇入過立法會，游蕙禎近日亦已被判囚，他想不到黑名單仍然存在，「想讀個書做個普通人都要搞我。」
郭家麒就為佢「出頭」，去信行管會要求取消有關的「禁令」，聲言不准許李宗澤這名「實習生」進入大樓極不合理，同時也「剝奪」其他相關人等到立法會申訴部、出席公聽會、到訪立法會圖書館，及與立法會議員會面之權利云云。
「仲細咩 出嚟行預咗還啦」
網民「Joyce Chan」就批評李宗澤：「你攪（搞）事前無諗後果嘅咩？你中（鍾）意攪（搞）就攪（搞），攪（搞）完拍吓Pat Pat就話只想讀書做普通人......嘩！你有特權嗎？做野（嘢）吾（唔）洗（使）負責任嗎？」「黃黃」亦話：「自己行為自己負責，唔係細路他仔，當日胡作非為時就要預左（咗）。」
「Hon Wah Lai」批：「一個人『心不正』，讀幾多書都係沒有意義。就是有朝一日成為一個有權勢的人，都只不過是一個弄權的人。成為一個有財勢的人，都只會是個恃財欺人的小人。」
疑似熟悉李宗澤嘅「王海遙」就揶揄：「專心搞你個mileage run好過啦，由『學民思潮』到『青年新政』到公民黨，想R（搲）錢啫！」