■劉子傑聲稱「成功爭取」保留44M巴士線，被林健恆踢爆根本「無做過嘢」。 林健恆fb圖片民主黨真係咁神憎鬼厭？自稱自由身攝影師的林健恆在fb發帖，上載咗一張民主黨立法會議員尹兆堅同佢馬仔、葵青區社區主任劉子傑嘅橫額，話自己2015年區選時「含淚」投咗劉子傑一票，但第二年叫佢幫手跟街市事件佢就「串（寸）××」咁答覆，更「從此消失」，「而（??）家你好意思臨區選先空降出banner成功爭取？！」
劉子傑突「成功爭取」招罵
林健恆上載嗰張橫額，係劉子傑搭單尹兆堅話「成功爭取」保留長安巴士總站嘅44M線。佢喺帖文中話：「對上一次見你（張banner）就係2015年區選，當時含淚投左（咗）你一票，然後2016年頭叫你幫手跟街市事件你串（寸）××既（嘅）答覆之後寫兩篇文就算，然後從此消失。」
佢質問：「而（??）家你好意思臨區選先空降出banner成功爭取？！個動議你提出咩？你又做左（咗）咩野（嘢）爭取黎（嚟）？有無落區啊？係×梗你啊劉子傑社區主任，你要參選我唔×該你就做野（嘢），唔係下（吓）下（吓）逼人含淚投『泛民』，好×後悔當年投你票，今年如果都係得你同林翠玲，你咁落去都係咁無為而治既（嘅）表現睇怕我都只有投白票！」
同林健恆好熟嘅「香港眾志」常委羅冠聰就畀咗嬲嬲，唔使畫出腸都知佢「嬲」邊個啦。「青年新政」游蕙禎前助理李宗澤就畀咗like。
■香港文匯報記者 陳川