■Bosco再三強調現在是單身。香港文匯報訊（記者 李思穎）黃宗澤（Bosco）和陳嘉桓（Rose）因拍網劇《守護神》被指「撻着」半年，女方更已「進駐」Bosco位於火炭的豪宅，Bosco昨日出席服裝品牌活動時，否認與Rose的緋聞，並再三強調現在是單身，自爆對Rose以「仔」看待，又指對方「大食」，暫時只想發展事業。當提到他的日籍模特兒女友Jun，Bosco即落閘拒絕，立刻轉移話題。
Bosco被記者上前恭喜有新戀情，他笑着回應：「唔係呀，應該恭喜我新居入伙，（愛巢新居？）不是呀，最近新居入伙，每日都極多朋友上來，（Rose負責招呼朋友？）唔係，並非每次都有她份，她只上過來一次，（你們前後腳入屋苑？）大家各自揸車，梗係前後腳喇，（報道指她座駕停泊在你屋苑等你？）其實是同一日的事。」
Bosco否認兩人拍拖，要發展都是事業行先，加上這陣子搬舖，忙着整理食譜等事，他又指這方面沒有向Rose討意見。問他想事業愛情兩得意嗎？Bosco謂：「邊有咁爽。」又再強調現在是單身，大家不要誤會和緊張，只是叫朋友來屋企玩而已。
爆陳嘉桓「大食」
目前他和Rose是什麼關係，他表示：「好朋友關係，（對方是你喜歡的類型？）成班朋友叫佢做『恆仔』，仔嚟喎，」提到有否發展機會，Bosco再重複說：「仔嚟喎，都話係『恆仔』，（咁講不怕傷害到對方？）唔會，唔關事，（女追男？）成班人拍《守護神》而混熟，自己回港後便約大家來我新居，（黃媽媽有見過Rose？）有呀，好多人喺度都見過，（媽咪覺得Rose幾好？）無呀，唔會個個朋友上來都評個分，大家都係一樣沒有特別，（媽咪以為你們拍拖？）無呀，都係一大班朋友。」
再追問他何時找個背後的女人，他打趣問記者有否好介紹，當聽到大家再提陳嘉桓的名字，Bosco踢爆Rose有個朵叫「大食」，「好食得飯，（怕她食窮郎？）唔使驚，我有大間餐廳喺度。」而他和Rose沒有就緋聞一事刻意傾談，Bosco說：「大家知無嘢，（日後避免見面？）正常社交約食飯沒問題，不會為此事刻意不見面，否則便不是朋友。」
提到他的日模女友Jun，Bosco即時落閘說要轉話題，表示最近忙於搬舖，今次投資了七位數字。