反對派為咗喺立法會內多一席，除咗瘋狂抹黑所有對手外，更用盡各種美麗詞藻將劉小麗形容到好似「救世主」一樣。好似公民黨「元老」吳靄儀日前就喺劉小麗嘅造勢大會上聲言，自己諗咗好耐，違法「佔領」4年後應該點樣走落去，終於有「答案」啦，「就係撐劉小麗」喎。此言一出，就連參加過「佔中」嘅「自己人」都頂唔順，話佢咁講，「簡直侮辱咗有份食催票u嘅人。」有人就揶揄︰「原來4年嚟一直為咗助選！？個競選經費咪好襟計！？」
吳靄儀稱續「佔」出路
睇返吳靄儀當日點講先︰「4年前的『雨傘運動』如何走下去？就係撐劉小麗。你DQ咗吽A我哋就選返佢入去。」呢句說話真係邏輯跳躍到正常人都跟唔上，而「無敵神駒」仇思達同「無待堂堂主」盧斯達都攞咗嚟貼堂恥笑。
「神駒」仲揶揄呢種4年前預知兩年後嘅諗法話︰「原來大家搞咁多大龍鳳，就係為咗選小麗？吳博士患咗腦退化症定思覺失調？」狗主黃毓民嘅馬仔、據稱真身為傅偉聰嘅「溫鞭」亦狠批吳靄儀︰「為了選舉，不分是非。當年佢為楊岳橋助選，也是一樣。」「Thomas Yim」就踩多腳︰「為了『關鍵一席』，連人性都放棄埋。」
網民：原來係反對派千局
「Zeus Yee」就參透當中「玄機」話︰「其實吳謁（靄）儀佢講真話，『佔中』的確係『泛民』嘅千局，所以『小麗老千』就係答案，迷（謎）底俾佢解開咗！只是佢曲線無講明（唔知直定曲）。」「Joey Yam」附和︰「騙子就係答案，市民俾『泛民』呃亦係答案。」
唔少「佔中」支持者就好不滿。「Kevin Ho」話︰「簡直侮辱咗有份食催票u嘅人。」「Siu Lee」亦揶揄︰「比（俾）人打爆頭入冊失去人生竟然係為左（咗）『小麗老b』。」「FFai Lun」問︰「原來4年嚟一直為咗助選！？個競選經費咪好襟計！？」
仲有批網民就繼續按吳靄儀邏輯再推演，「Choi Wai Hung」問︰「咁其他『泛民』係咪要落哂（晒）台先？」「Kevin Chow」恍然大悟︰「咁『雨傘』即係選舉工程啦，唔怪得之又唔肯升級，又唔支援前線『義士』，又篤灰，又成日準備散水，咁睇就完全合理曬（晒）成件事。」「Nara Mir」揶揄︰「原來解決選舉失效嘅答案就係繼續選舉。 四年了，班友仍然唔識、唔想醒。」
反對派成日話神駒嗰邊嘅留言都係「圍爐取暖」，但吳靄儀已經突破界限，憑「劉小麗就係答案」紅到去網上討論區「連登」。網民「單人房」爆粗咁鬧︰「傻×左（咗），『傘運』4年既（嘅）答案係票投劉小麗。」
「熱褲小妹妹」針對吳靄儀句「你DQ咗吽A我哋就選返佢入去」話︰「被DQ既（嘅）係『自決』小麗，依（𠵱）家參選個（嗰）個係忽然工黨小麗。」「關愛座hunter」亦恥笑話︰「撐『港獨』嘅吳靄儀去咗邊？」 ■香港文匯報記者 甘瑜