■梁詠琪香港文匯報訊 梁詠琪(Gigi)近日拍攝醫學美容的代言廣告。廣告內，Gigi要重現主演的賀歲片《嚦咕嚦咕新年財》經典場口，但就由從前的新抱仔「升呢」成為野蠻奶奶，搞笑演繹打麻雀挑機3位「準新抱」－有「紋」、「鬆」、「殘」、「乾」唔使旨意入門，意指不讓她們成為「年輕門下」。
「由新抱仔變奶奶原來仲好玩，最緊要大家睇得開心，我又可以搞笑發揮演技，其實我平時真係唔打麻雀，當日埋位拍攝，連邊個方向摸牌都唔記得，要在場工作人員教我，好在拍時，開始有番記憶，總算拍得似模似樣，哈哈！」Gigi笑着說。
廣告片尾，Gigi大放「彩蛋」，挑戰高難度急口令，像財經節目主播讀免責聲明般，Gigi在10秒內讀出八十多個字，呼籲愛美人士前來尋求年輕醫學美容專家意見。為免NG，埋位前Gigi努力背誦，最終一Take過完成大考驗。
「我網上都有睇過財經主播條片，15秒讀出139個字，真係好犀利，因為要專注咬字、發音、速度，我重複再重複試了好多次先敢埋位，最後成功10秒讀晒冇錯，大家都開心到拍晒手掌好興奮。」Gigi說。