■跟蹤兼盤問，會唔會狼咗少少呀？YouTube截圖日前喺「港獨」分子搞嘅旺暴3周年「紀念」集會中，fb專頁「時聞香港」一名女記者到場採訪，但就俾人包圍、推撞以至用粗口辱罵，點知受害人原來唔止佢一個。有參與集會嘅「獨人」聲稱發現有個「可疑」女子在場拍攝，所以就喺集會完咗之後跟蹤兼盤問對方，甚至拍埋片想公審對方。點知網民似乎就唔buy佢，仲要鬧爆佢離晒大譜，分分鐘報埋警拉佢都仲得！
話對方有可疑 問對方住邊
話說網上流傳一段影片，一個參與完喺香港大學舉行嘅旺暴3周年集會、網名叫「Tony_c」嘅男子，聲稱自己發現有個「可疑」女子在場拍攝參與者嘅「大頭相」，又話對方喺集會完結，「大家收拾好後仍然在會場附近徘徊，非常可疑」咁話，所以就喺集會後跟蹤對方到附近港鐵站。
佢仲突然喺港鐵月台度「盤問」該名女子參與集會目的，甚至問對方住喺邊。事後，該男子似乎就想公審，所以就將影片放上網，而嗰位俾岉斨Z者嘅樣貌清晰可見。據上載影片嘅用戶資料顯示，拍攝者曾參加過「本民前」梁天琦嘅造勢集會。
網民批跟蹤猖狂應報警
影片上載之後，諗住公審對方，點知就似係俾網民公審返自己轉頭喎！「Yuk Kwan Lau」就覺得跟蹤行為已經可以報警拉得：「肯定犯法，如果係我，即打999，或附近有警察，即時報警處理，呢條『黃絲帶』人士將過程放上網，更加證據充足，去報警處理啦！」
佢質疑嗰個拍攝者：「光天化日三晤（唔）識七，你走埋呢（嚟）盤問我，重（仲）問我住在那（哪）裡！跟著（着）全個過程放上網！如果人人都係咁做！香港重（仲）有法治？」「Kasing Cheung」亦話：「盤問？癡（黐）左（咗）線呀以為自己係咩呀。」
「輪輪李」亦質疑個拍片者：「自己內心有鬼就永久都覺得任何人有可疑及被人跟蹤和監視！」「Jason Lee」就話：「連女人都蝦，佢係咪男人嚟？」「Kenny Koon」狠批道：「呢D（啲）就係佢地（哋）所謂既（嘅）民主、自由，實在不知所謂！」
話人喺集會時影大頭相，唔當場篤爆而係玩跟蹤，仲要問人住喺邊，條「獨友」會唔會係另有目的呀？「Sing Chan」就質疑道：「漂亮女士，有理由相信跟踪（蹤）者藉口意圖不軌，小心啊！」「John Lemon」就挑戰對方：「點解唔盤下（吓）我嘅？好想再試下（吓）比（俾）人盤......一盤我就兜心口......」
喺集會被暴力對待嘅「時聞香港」女記者睇完短片後就話「感到太恐怖」：「原來出席集會後會遭人盤問是否同道中人？是否記得出席演講者所講內容？盤問者有權去隨意騷擾一個旁觀者嗎？」 ■香港文匯報記者 何西