■謝霆鋒跟主持人分享第一桶金的來源。香港文匯報訊（記者 李思穎）謝霆鋒日前接受財經台訪問，自爆當年賺到的第一桶金乃投資地產所得，繼而才開設後期製作公司，又覺得作為星二代標籤去營商是幣多於利。霆鋒在節目中分享創業經過，很多人都以為他22歲開設後期製作為他帶來第一桶金，霆鋒表示：「從19歲開始，便把拍戲賺到的錢放在投資地產，只覺得磚頭是不會走，其他的便不曉得，後來把投資地產得來的利潤開了後期製作公司。」
霆鋒於2014年開始拍攝美食節目《鋒味》，15年創立自家品牌「鋒味」，問他身為「星二代」對營商環境的影響，產品是否更易被炒起？霆鋒即說：「係容易啲死！好似兩個月前，某刊物發放產品報告，測試市面上五十八款曲奇致癌物，雖然『鋒味曲奇』被列入名單內，但報告當中無詳細列明究竟食幾多先有問題，而我哋嘅曲奇在測試產品中致癌成分係好低，可能加上我做幕前工作，媒體就會以我嘅品牌作為標題，所以係有點不公平。」報告未有反映事實全部，實情係進食分量多寡才是關鍵所在，霆鋒再舉例：「譬如話食維他命會死，但原來係講一日食五十樽，咁梗係會死啦；或者話『食白飯會有糖尿病，因為入面有糖。』唔通唔食白飯？所以要講埋『如果你一日食五百碗白飯，你係會有糖尿病。』若沒講清楚，便有誤導消費者之嫌。」
霆鋒又指：「好似坊間睇到『有機』兩個字，通常以為係好嘢，其實係賣貴兩、三倍，疑問又嚟，香港對『有機』的準則喺邊度？對『食物安全』的準則，其實好模糊。我們每個產品後面都有營養標籤，請好多世界知名的實驗室去測試，但係擺出嚟賣嘅時候就因為呢個模糊的機制而出現問題，其實幾唔公平。」他苦笑說：「最慘係我成為標題，就有人睇。」