■梁振英在fb發帖質疑李錦洪的說法。梁振英fb截圖《蘋果日報》噚日登咗篇網台D100主席李錦洪嘅專訪，其中李錦洪就講到「《蘋果》肩負社會責任」喎。連日監察《蘋果》嘅全國政協副主席梁振英除咗繼續話《蘋果》噚日冇全版廣告外，當然都留意到呢種講法，仲貼埋香港文匯報噚日一個專題報道話︰「剛好今（昨）天的文匯報有一版全版報道，細數壹傳媒旗下刊物的作故仔和誹謗。請教李錦洪：傷風敗德就是『肩負社會責任』嗎？」
唔少網民都認為《蘋果》毫無肩負社會責任嘅心態。「Phil Leong」留言話︰「肩佢個頭咩，多謝夾盛惠喇，日日破壞香港，散播仇恨，成張報紙都系（係）負能量。」「Ivian Yau」揶揄︰「《蘋果》肩負起搗亂香港搞亂香港嘅重責。」「Yee Chung Antony Au」亦問︰「很可能李先生是說漏了兩個字，他的原意會不會是：《蘋果日報》肩負破壞社會的責任呢？」「Andy Ho」就更加直接︰「我相信李錦洪唔敢回答這個問題！」 ■香港文匯報記者 甘瑜