姜皓文香港文匯報訊（記者 梁靜儀）姜皓文（黑仔）昨日到尖沙咀出席活動，對於《翠絲》在金像獎中落敗，他表示沒有失望，因為惠英紅及袁富華都憑該片得獎，若果一個都冇獎就慘些。黑仔笑道：「過兩年再攞，畀多啲時間我，現在有幾個劇本傾緊，之後會同鄧麗欣拍一部警匪片，戲中飾演警察。」
黑仔又透露剛完成由韓三平監製的戰爭片《解放了》， 他表示一直都想拍戰爭片，今次最開心是有機會坐上軍部坦克車：「雖然唔係我揸車，不過我負責發炮，覺得好過癮，但有一幕爆炸場面好驚，因為啲炸藥味困住喺車廂裡面，唞唔到氣，辛苦到有想死嘅感覺。」他謂今次是飾演一名多情軍官，現實中的他又是否很多情？他笑着否認：「梗係唔係。」
另外，提到他有份演出的劇集《鐵探》 迴響很好，他坦言始料不及，很開心遇到好角色， 當初接到劇本，睇了幾行字已忍不住落淚。