■陳豪即場分享親子閱讀樂趣。香港文匯報訊（記者 梁靜儀 ）陳豪 (Moses)昨日到西環電車總廠出席推動親子閱讀文化活動，育有三名子女的他透露，不論幾夜收工，每晚都會跟子女講睡前故事。身穿針織衫的Moses，在炎熱天氣下出席戶外活動，問到他不熱嗎？他笑說：「服裝係服裝師準備，古裝劇訓練有數，難唔到我。」說到他近年很少拍古裝劇？他指現時都很少開拍古裝劇，但他好鍾意拍古裝，好享受講對白咬文嚼字。
前日是他的細女Camilla的三歲生日，Moses透露之前已為囡囡開生日派對，而正日生日就在家中開小型派對，並透露太太陳茵媺(Aimee)親手整雪糕蛋糕為女兒慶祝，他笑說：「上次我生日佢整彩虹蛋糕，佢現在好有信心，就想做特別東西，遲些佢會甫相，個雪糕蛋糕整了兩日，我就幫唔到手。」問到可有鼓勵太太向整蛋糕這方面發展？他說：「都有，佢本身都係讀設計，而我間咖啡店的產品設計都有問太太意見，(你們一個煮咖啡，一個整蛋糕好夾？)那次同佢講，佢就反問『咁小朋友點？』太太仍未放得低小朋友。」
說到Aimee近日又一拖三，獨自帶三個子女去主題公園玩，Moses自嘆不如：「佢係Super Mom，我一個帶兩個都唔得，最怕人多會走失，媽咪好有能力搞得掂，佢好有信心亦都鍾意，現在好多家庭都有Helper，造成小朋友依賴、惰性、唔敢嘗試，可能會阻礙到小朋友學習。」
夫妻間電話可以交換睇
另外，因爆出「安心偷食」事件，有網民發起「最專一男人」選舉，出名錫老婆的Moses亦有份入圍，他聞言笑道：「多謝晒，我有聽過(安心偷食)事件，不過咁唔好的新聞就唔係太想知，我做人幾正面，覺得做人要對得住自己良心，唔好傷害人，其他都冇所謂。」問到他可曾受引誘？他帶笑反問：「我有咩誘惑？我人生目標係老婆同三個仔女，已得到人生最好，仲有咩想要呢？我將她們放首位。」日前Aimee出席活動時自爆經常誘惑老公，Moses卻笑說：「我係傳統的男人，男女授受不親，唔好睇我咁開放，其實好保守，拍戲錫錫都盡量避，係我自己問題。」Aimee又指老公會帶她一起去應酬，Moses指由他們認識開始 ， 已經沒有秘密， 電話可以交換睇，他認為這是最佳方法維繫長遠關係，以及要保持溝通， 如果積壓太多就好容易爆發。