黃：我哋事前其實已經有傾過 plan B、plan C，就係假設喺中聯辦𠵱個地方係不適宜集會，係不適宜所有示威者，抗爭者嚟呢一度嘅話，咁我哋就會「轉場突擊」嘅。
黃：我哋原本有突擊行動，而突擊行動我哋唔可以講我哋嘅地點，或者講我哋後續會有啲乜嘢行動，避免警方佈防。 所以我哋（當時）只能夠叫大家喺附近，又或者搵一個安全嘅地方暫避。
黃：我哋要去plan B個地方嘅時候呢，我哋需要等「民陣」嘅隊伍係完全解散晒。「民陣」嗰邊嘅警力呢，當「民陣」散晒之後佢哋就會去晒中聯辦。我哋希望個警力去晒西環，去晒上環嘅時候，我哋先至「發動一個突擊」。
黃：我哋希望可以「突擊」完之後， 再立即叫市民來，......我哋去到夾好晒時間，準備行動嘅時候，就發現警方早過我哋知道我哋會去到嗰度。......plan B都執行唔到，咁我哋都轉埋 plan C......我哋坐車喇，喺坐車時我哋一路睇，最後又係發現不可行。