■關寶慧香港文匯報訊（記者 梁靜儀）關寶慧和劉玉翠前晚結伴到灣仔出席時裝展活動，兩人相識多年，問到是否經常一起去購物？劉玉翠笑說：「又唔會，現在都係上網買嘢，以前就成日一齊打麻雀，有段時間我哋都失聯過，上年一齊做舞台劇又close返。」關寶慧稱她們不用經常見面聯絡，但感情都好好。
當晚兩人應時裝設計師邀請前往睇騷，平日甚少作鮮艷打扮的關寶慧頓時令人眼前一亮，關寶慧搞笑說：「我着到成隻鸚鵡咁，李丞責師傅幫我睇過，叫我要着得鮮艷啲，又話綠色最旺我，同埋要留長頭髮，對運程好啲！」劉玉翠笑她染綠色頭髮可以拍鬼片。問到關寶慧可夠膽將頭髮染綠色？她說：「如果頭髮唔旱都夠膽染。」她續稱師傅在去年批她七年內會有姻緣，雖然七年後已「登六」，如果有機會結到婚，着婚紗靚也無妨。劉玉翠笑指雖然屆時已到花甲之年，但愛情是不講年齡的。
陳爽話開學月心情靚
陳爽前晚撇下老公及一對子女出席時裝展，她表示老公要留家中給子女講睡前故事，所以未有陪她前來。陳爽笑指九月踏入開學月，身為媽媽的心情也較開心：「因為五歲的囝囝和三歲的囡囡已經開學，做咗媽咪，九月反而好開心，因為多咗自己時間，不過今個學期一對仔女讀唔同學校，比較辛苦，幸好仔女都很獨立，返學冇喊，反而擔心佢哋喺學校『蝦』其他小朋友。」陳爽笑言兩兄妹雖然在屋企經常打交，哥哥大一點較有優勢，不過他們對外就很團結，令她稍為放心。