■關智斌笑言會加家用來答謝父親今次的幫忙。香港文匯報訊 關智斌（Kenny）昨日推出新歌《日月》，他坦言第一次聽到旋律便十分喜歡，《日月》講述人的一生遇過很多人，當中不乏在困難時伸手扶持、讓我們倚靠的人，親如家人；疏如短暫共事的同事，他們的幫助或鼓勵有時可能只是微不足道，卻令你銘記於心，一點一滴累積下來，正正成就了今天的自己，所以他想送給所有他生命中幫助過他的人。
歌曲MV由陳詠燊執導，內容講述老一輩用自己手藝養育下一代及上一代，以裁縫一角說出三代關係，Kenny大讚故事性強，演員方面特別找來入圍今年香港電影金像獎最佳新演員的陳湛文（Peter），除此之外，MV更請來一位神秘嘉賓，「就係我爹哋！阿關老先生啦！」問到為何找父親出演角色，Kenny說：「因為同導演一齊去create呢個故仔的時候，大家諗由老、中、青三代角度去拍攝，故事入面爸爸係犧牲咗好多自己的時間，成全咗三代人的幸福，好似我爸爸做緊嘅嘢咁。我突然間諗到既然呢首歌係講喺我生命中對我好重要的人，加上『爺爺』呢個角色戲份唔算好重，又唔使做好多戲，所以我就諗不如叫我爹哋去試下。」
父年輕時欲投考藝員訓練班
MV拍攝現場，首次幕前演出的關爸爸坦言十分緊張，不過Kenny卻大讚父親表現專業，「最開心係見到我爹哋都拍攝得好開心。見到佢化妝、整頭、埋位都好專業，令我都發現我的演藝天分原來可能都係來自於我爸爸。」原來關爸爸在學生時代曾被老師選中當話劇男主角，不過關爸爸因為對白太多而拒絕，Kenny立即大呻：「你知唔知你個仔我真係要艱辛咗好多年先至可以做男主角呀，老竇？」關爸爸亦隨即安慰，「咁我唔係（演戲）嗰塊材料吖嘛，現在咪留返畀你囉。」十分搞笑。
關爸爸亦透露當年畢業後打算投考電視台的藝員訓練班，可惜最後欠缺勇氣而告吹，在旁的Kenny聽到後笑說：「好彩你冇咋，如果唔係到時未必生我出嚟；如果唔係邊有咁快追到我阿媽返嚟，到時我分分鐘未出世，現在咪冇得坐喺度叫你拍MV？哈哈。」Kenny表示沒想過請得老父出山，問到酬勞會否特別加碼，Kenny笑言：「係搭膊頭，因為家用我會酌量加返啲。」