「有競爭就有進步」，對攬炒派嚟講，應該係「有競爭就有鬼打鬼」。攬炒派個所謂「初選」噚日最後一日投票，班人就打得更激烈，除咗唔同人一齊圍攻民主黨現任立法會九龍西議員一嚿雲（黃碧雲），仲有人話如果佢當選就要爆佢料之外，想參選新界東嘅民主黨吳定霖亦同「本土派」鄒家成當街對罵，啲義工仲繼而動武𠻹。另一邊廂，公民黨陳淑莊亦叫鄒家成啲義工「做吓末狴鮃X嚟吠」，真係好不熱鬧。
一嚿雲呢排可謂腹背受敵。前學聯副秘書長、參選超區嘅岑敖暉噚日到美孚為參選九龍西嘅張崑陽拉票，率先狙擊一嚿雲係「妥協派」，話佢喺議會表現太過「溫和」，「究竟『妥協、溫和嘅民主派』，仲應唔應該喺2020年『議會戰線』佔一席位？」
「本土派」九龍西候選人劉澤鋒噚日晏晝喺深水埗繕饈葬犮蝷␂_攻擊一嚿雲，話佢冇簽「初選聲明」、選舉先嚟「抗爭同支援」，唔係真正嘅「抗爭者」。佢又玩踢爆話有一次一嚿雲聲稱去紅磡警署支援「手足」，點知到場後第一時間係同記者「扑咪」，完咗就挨喺欄杆，完全冇關心同支援「手足」。
喺深水埗元州邨利瀚庭議辦個「初選」票站外，噚日亦有義工公然叫市民唔好投畀一嚿雲同毛孟靜，鼓動佢哋投「本土派」同「前線抗爭者」，並即場推薦劉澤鋒。
黃碧雲噚日亦為選情告急，叫埋黨主席胡志偉同黨友涂謹申為佢站台，又話唔想對手因為「初選」而去「挖瘡疤、抹黑或捏造事實」，用負面方式推介自己喎。至於民主黨九龍城區議員黃國桐高調支持參選九龍西嘅「本土派」馮達浚，而唔支持一嚿雲，一嚿雲就話呢個係「例外情況」，黨內稍後會跟進處理。同時，一嚿雲從來冇放棄自己嘅政治路，噚日仲話會睇埋9月民調先決定係咪參選立法會喎，真係未出結果已經當「初選已死」。
簡浩名預告爆料片一嚿雲
不過大家並唔諗住放過一嚿雲。「港獨」分子劉頴匡踩住告急嘅一嚿雲話︰「唔好浪費選票畀無勝算既（嘅）候選人了，集中票源，全投『抗爭派』！」商人簡浩名亦喺facebook話，如果一嚿雲贏咗「初選」，佢就會有料爆，不過隔咗兩個鐘後吨S開道歉post，「搞到個個心郁郁要投票被（畀）碧雲，造成公眾恐慌我謹此道歉」，強調大家唔使投畀一嚿雲。
吳定霖同「本土派」互數臭
新界東方面，民主黨林卓廷條隊嘅吳定霖噚日喺大圍美林邨外嘅票站同鄒家成嘅義工嘈，話對方係「偽本土，偽勇武，喺前線未見過」。鄒家成於是到場對質，反駁指民主黨多年嚟出賣港人，令吳定霖嬲爆爆地反鬧，其間鴿黨義工仲出手打人，令情況一度混亂。
另外，公民黨超區參選人李予信噚日中午同黨魁、新界東參選人楊岳橋齊齊到大埔拉票，點知喺大埔廣場外見記者時俾鄒家成幾個義工狙擊，話公民黨「支持民主回歸」，又鬧楊岳橋上屆補選時仲話法治未死、「Over my dead body（踏過我的屍體）」，但𠵱家就「生勾勾企喺度」。在場嘅公民黨陳淑莊反駁︰「公民黨2006年先創黨，點樣支持民主回歸呀！」勸鄒家成嘅義工做吓末狴鮃X嚟吠。
■香港文匯報記者 郭家好
