■龍門聲稱以後食客唔滿意就唔收錢，睇吓係咪真係找數先。 龍門冰室fb截圖靠「黃」上位、被網民揶揄為「人血龍門」嘅龍門冰室出晒名難食，令唔少「黃絲」都先後忍唔住喺網上呻。「龍門」老闆饅頭張（張俊傑）日前就喺facebook聲稱，以後每周都會同「米芝蓮大廚」開會傾菜式，仲宣布「以後客人如果嚟到瓏（龍）門食飯，覺得碟飯唔好食，枝牙籤黑（乞）你憎，覺得唔滿意嘅，一律唔收錢。」攬炒派「手作達人」吳斯翹（Billie Ng）就恥笑：「畀垃圾人食，唔收錢係應該的！」
饅頭張稱要改善出品救亡，唔少「黃絲」都道出硬撐人血龍門嘅辛酸。「Lok Lee」就呻：「豆腐火腩真係好難食，汁熱餸凍、豆腐無炸、火腩太肥，用西餐方法做中餐真係好怪！」「Nickey Chi」就話：「茄汁依然係好伏！個汁底係甜到怪，甚至比（畀）貴一截食大廚版既（嘅）茄類野（嘢），都依然係咁伏，例如早兩日個茄汁窩蛋免牛真心好恐怖，個汁既（嘅）質地根本係蕃茄水+肉碎！」 「Jessica Lau Ching Wan」就笑：「基本水準都（未）做穩（定）就搵米之（芝）蓮！」
「黃絲」為救贖 邊食邊彈
除咗難食，有「手足」就話管理都有問題。「Hk Wung」就數：「幫襯左（咗）唔少次，發現......員工管理都有問題......舊餐牌冇得嗌但係當日po（帖）完全冇提，落鋪（舖）頭幫襯，伙（夥）記（計）就話得米芝蓮餐嗌......之前嗌兩個餐有送油菜......去第二間分店就冇......老細落鋪（舖）時段d（啲）食物質素就有保證，唔落就好飄急（忽）、好伏......可以係兩回事，尢（尤）其夜晚......員工成日唔跟單去煮，叫飯比（畀）意粉，又試過比（畀）漏野（嘢），對上一次因為咁樣等左（咗）大半個鐘先出到兩個餐！」「Hilda Lau」就話：「近排沙田店經常漏單，要催單。」
見到苦主都唔少，有網民就唔明點解要攞苦嚟辛？「Joy Kwan」話：「 點解要虐待自己！」
依然有「黃絲」認為「理念」係世上最好食嘅嘢。「Edw M K Leung」話：「『食理念』根本就唔應該追求味道，食完、出po（帖）、畀錢、埋單、載（戴）返個口罩、抬起頭出門口，然後心裡（裏）面一諗『為了民主、為了手足付出之大』，肯定比起食咗一餐好食嘅嚟得更開心更滿足！」
吳斯翹就一針見血咁話：「畀垃圾人食，唔收錢係應該的，但就講到自己很有要求很有原則。不過，香港人就是喜歡食垃圾，喜歡虐待自己而得到救贖。」 ■香港文匯報記者 黃書蘭