■ 林穎彤今日28歲牛一。香港文匯報訊 林穎彤（Bella）與同門的伍富橋因合唱情歌及跳拉丁舞而傳出緋聞，近日有指二人已分手，今日生日的Bella不愁寂寞，日前開工已獲同事們提早送上蛋糕慶生，Bella說：「希望身體健康，多啲工作密密做，好開心剛派台嘅新歌《可不可以戀愛》有唔錯嘅反應，個 MV 喺一個星空背景下拍攝，成個感覺都好浪漫，首歌講咗好多女生嘅心聲，希望鼓勵大家迎難而上，對未來繼續帶住盼望。」
拋開上兩首派台歌的少女味，Bella 今次在演繹上改用輕熟的唱腔，跟女生們分享自愛的小哲理，Bella：「首歌名《可不可以戀愛》，聽起來好似係等待人哋嘅答覆，但其實係對自己嘅提問，期待被愛之前，有冇先令自己成為一個可愛嘅人？期待得到其他人認同之前，有冇裝備好自己？」
其中一句歌詞「身軀再細小，都不顫抖，貧或富，成就有未有」最觸動Bella，「好多時我哋會因為別人嘅說話，而變得冇自信唔開心，但事實上只有自己先可以主宰自己嘅人生。或者過程之中會迷失會受傷，無論喺愛情定係人生道路上，只要學識愛自己，堅守自己嘅信念，就會蛻變得更好，終會遇上真愛。」