說到做唔到，出糧唔遲到，呢個應該係攬炒派議員過去4年嘅工作方針嘞。記得社會早前對攬炒派延任一事眾說紛紜，但鴿黨（民主黨）最終都牽頭搞咗個「民調」，並喺參考739名支持者嘅意見後「決定留低堅守『議會戰線』」。點知佢哋延任一個月多啲就話辭職，而且辭職未正式生效已經唔開會，難怪網民齊齊聲討：「街頭『抗爭』唔見人，咁說好的『議會戰線』呢？」
「鴿粉」轉軚「追債」
7名鴿黨議員早前向立法會秘書處遞信，除咗面臨譴責動議嘅陷獗艅M定即時執包袱走人，其餘6人都會留到下月1日，但佢哋已經集體缺席會議，並分別喺社交媒體發表「臨別感言」，激到唔少當初支持佢哋延任嘅網民「追債」。
鴿黨主席胡志偉就喺fb話會「繼續緊守崗位」同「力抗暴政」；尹兆堅就話「場波未踢完，『抗爭』路上見」；林卓廷亦稱會「堅守崗位，延續『運動』精神」。
「抗爭」唔見影 開會唔見人
不過，網民明顯唔再相信鴿黨，好似「Psc Ch」就話：「全港大部份（分）人都知一早要有新嘅路徑，所以先叫你地（哋）唔好留係（喺）議會，結果要到無路行先搵路，仲唔係無先見之明？」「Tammy Lai」就問：「緊守邊度嘅崗位先？街頭『抗爭』又唔見影，『議會戰線』又唔開會，又要冇骨氣想袋埋今個月啲錢先走，咁你哋當初又話對抗『惡法』，又話拖得一時得一時？」
「Toby Chan」就試圖幫鴿黨解畫：「DQ咗4個佢哋邊夠人拖呀？」「Jamie Cheuk」就糾正：「本來『泛民』就唔夠人否決議案架（㗎）啦！冇咗4個都可以拉布，家陣係鬧緊佢哋未正式辭職，仲出緊糧唔拉布呀！」
原本支持鴿黨嘅「Tony Ng」已經心灰意冷：「崗位，是議會還是街頭？就係每次講一半半做一半半，呢個時候講緊守崗位，叫人支持你再三留任？再講『總辭』已經（係）放棄（嘅）一種，接受委任時都放棄過民意一次，其實你哋想點？背叛左（咗）區議員，而（??）家講完『總辭』後再要緊守崗位？」
「Elise Fung」就問：「反正都唔開會，不如做盡啲辭埋區議員嗰（個）位啦，定係仲掛住個3萬幾蚊？解散民主黨啦，對你地（哋）真係好失望」。
■香港文匯報記者 雨航