■鄺俊宇呼籲粉絲每月捐8蚊美金畀佢，被網民寸掠水神速。 網站截圖「鬧辭」嘅議員未遞信辭職已經叫人捐錢？特區政府本月11日根據全國人大常委會嘅決定，即時宣布取消4名攬炒派議員資格，另外15名攬炒派議員當日下午5時15分就開記者會「鬧辭」。點知6點鐘個記招啱啱開完，連辭職信都未遞，民主黨嘅鄺俊宇已經喺facebook發表「辭職感言」，並隨帖附上眾籌連結。咁迅捷嘅行動真係嚇窒唔少網民，難怪佢被讚「決心為糧支」啦﹗
貼眾籌連結 月獻62蚊做粉絲
由於鄺俊宇嘅帖文只有寥寥幾句，加上佢平日嘅帖文都冇貼出眾籌連結，所以佢今次條link真係十分「搶眼」。睇返佢喺眾籌平台嘅賬戶，原來每月捐8蚊美金（約62港元），就可以睇到佢嘅最新時評、影評、散文專欄，同埋「獨家影片節目」嘞。
事實上，民主黨主席胡志偉喺記者會翌日先代表全體黨員向立法會秘書處交信，而除咗陷獗腄A其他民主黨議員嘅辭職生效日期都係下月1日，所以真係不得不佩服鄺俊宇「做生意」嘅頭腦。
網民紛紛揶揄鄺俊宇掠水神速，「朱西滴」就話：「雖然可惜，但總算上到車，支持你繼續眾籌，有樓一齊供！」「Ngo Chun Yeung」狠批：「仲擺條patreon link 出黎（嚟）？??左（咗）咁×多人工，仲問人拎錢，好唔好意思？大把被捕『手足』要錢，點解要比（畀）個月入十萬+補貼福利既（嘅）議員？」
「Muhammad Wong Taiman」就用鄺俊宇最鍾意嘅句式寫法「鄺體」嚟寸對方：「鄺仔，支持你。但，層樓，供完未？」「Marcus Fong」就直言：「真係快手，咁快就眾籌！『獷神』果然係垃圾！」
「Hoisang Mak」就搲晒頭：「點解唔辭埋區議會？」「Ka Lok」就回覆話：「辭埋區會佢咪連嗰三萬幾蚊都冇得呃，好慘架（㗎），可憐吓岒o！」
■香港文匯報記者 雨航