攬炒派成日掛喺口邊嘅一句「兄弟爬山，各自努力」，原來真係一個好使好用嘅「萬能Key」。正當留港攬炒派一再講到自己幾咁無辜，將無差別否決政府議案都講成係想履行職責時，那邊走咗佬去外國嘅攬炒派就撲出嚟搶光環，前晚巧立名目咁出咗個「流亡民主派初選參選人聲明」，話香港特區政府「打壓」「政治檢控」，仲叫外國要即刻制裁相關官員喎。咁樣將外國勢力同在港攬炒派掛鈎，唔知係咪想送佢哋一程呢？
攬炒派真係好識出嚟搶光環㗎，聯署嗰個所謂「聲明」嘅3個人，一個係大話連篇嘅民主黨前成員許智峯、一個係冇乜人識嘅前「民間外交網絡」發言人張崑陽、一個就係明明舊年7月初自己退出「初選」趕住走佬嘅羅冠聰，轉下眼又可以用返「流亡民主派初選參選人」嚟發聲明，真係不得不佩服佢哋巧立名目嘅心思。
「齊上齊落難聽過粗口」
雖然有攬炒派支持者就默默為呢3個冇穿冇爛嘅人打氣，但亦有網民留言恥笑佢哋。「鄧佩佩」喺陷獗葖蚽d言話︰「你就衰格啦，又話齊上齊落台不怕犧牲，原來係咁×街走佬呀？」「Man Wai」亦貼出「齊上齊落比粗口更難聽」嘅圖片話︰「麻煩閣下唔好再嚟呢套啦......」
佢哋3個人喺「聲明」仲話會繼續喺海外「持續發聲」，真係唔知佢哋班「戰友」望住呢3個人會唔會眼紅呢。有唔少網民睇穿事實，都紛紛留言揶揄佢哋，就好似「張工」揶揄佢哋「閃得快好世界」，「Fai Wang Szeto」更大鬧3人「逃亡犬身有×，畏罪潛逃，冇×用」。
對呢3個人借呢件事炒作，又叫外國「制裁」，「Lu Wenhui」就恥笑佢哋︰「太高估自己實力了，流亡在外的喪家之犬，誰會來理你呢？」
呢份「聲明」真係完全體現出攬炒派當初所講嘅「齊上齊落」根本係個大話，事實就係「你有事，我走佬」，大難臨頭梗係各自飛嘞！ ●香港文匯報記者 倪思言