●Amy認為醫生不足會影響醫療服務。香港文匯報記者 攝公立醫院服務輪候時間漫長，不單延誤治療，對於其他慢性病患者同樣是折磨，年約50歲的Amy去年發現有肩周炎的問題，由於未至於有生命威脅，在公立醫院骨科排期排足兩年，其間疾病纏身，痛多一日也嫌長。她認為，人手不足已影響香港的醫療質素，受苦的仍是病人，希望引入更多非本地培訓醫生，縮短公院服務的輪候時間。
「呢啲病死唔去，但好折磨」
Amy去年11月開始感到肩膀疼痛，於是求診，但食藥後情況都未有好轉，「呢啲病死唔去，但好折磨，成日半夜3點痛醒要食藥，但食之前要填肚，食完又要過大半個鐘先有效，6點左右又要起身照顧家庭，瞓唔到覺！」疾痛纏身嚴重影響其日常生活，現時不時會感到頭暈，記性亦變差，間中煲飯會忘記「撳掣」。
半夜痛醒敷藥 瞓唔到就唔瞓
雖然醫生已經為Amy寫轉介信，但物理治療及骨科門診的輪候時間分別長達9個月及兩年，她仍要強忍痛楚一段長時間，暫時只能在感到痛楚時找老公或兒子按摩，如果是晚上痛醒就敷中藥，她說：「唔想嘈醒老公，半夜痛醒會自己出廳敷吓中藥，瞓到就瞓，瞓唔到就唔瞓。」
Amy雖然認同本地培訓的醫生對香港實際情況有較深入了解，較了解病人需要，但縮短輪候時間要緊，「公立醫院??家幫唔到市民，點解唔接受外面嘅人嚟協助市民？人手唔夠會令香港醫療服務一直退步。」
她指出，專科門診輪候時間漫長的情況，反映醫生人手不足問題嚴重，香港有必要引入非本地培訓醫生，提升醫療質素。「好似內地的醫療水平咁，??家都好高，而且相信政府建議認可的醫學院，都應該有品質保證才納入認可名單中。」