新冠肺炎疫情影響下，香港五一黃金周風光不再，旅遊業陷入冰封，兩位失業逾一年的導遊日前接受香港文匯報專訪時慨嘆，過去一年節衣縮食度日，生活苦不堪言。雖然本地遊及與新加坡的「旅遊氣泡」即將重啟，但兩者團數不多、僧多粥少，接到工作的機會甚微。他們呼籲市民盡快接種疫苗，以求早日通關，緩解旅遊業的艱難景況，並帶動香港整體經濟再起飛。
阿Cat甫畢業就投身旅遊業，由初入行只是一名負責送客到碼頭的小妹妹，20年後成為一名帶領整團旅客在香港四處遊玩的導遊，付出不少汗水。她為自己能自力更生及為社會作出貢獻感到自豪，「雖然工作辛苦，但每個月平均有幾萬蚊收入，生活都算唔錯；見到啲客人喺香港玩得咁開心，覺得我服務好，工作就更有滿足感！」
Mimi在內地就讀旅遊專科，來港後先在旅行社擔任出境遊的領隊，到2003年個人遊實施，她即轉職導遊，以接待內地旅客為主。她憶述：「有段時間好興旺，可以話係團接團，最多試過（每月）有6萬蚊收入。帶客人去吃喝玩樂，佢哋開心我都好開心。而且好多客人都好好，有啲仲做咗朋友，成日講幾時可以嚟香港，到時一定要帶佢哋去買靚鞋同靚手袋。」
黑暴控關零收入 靠積蓄維生計
但好景不常，前年黑暴橫行已令旅客大減，去年初疫情掩至，旅客絕跡，阿Cat和Mimi分別在前年12月底及去年1月中帶過最後一團後，即加入失業大軍。
「『封關』後根本冇團帶，零收入，市道又唔好，想搵份長工都唔容易，我唯有靠積蓄同做吓兼職維持生計，衫都冇買一件，生活好艱難！」阿Cat無奈地道。
Mimi說，自己必須省吃儉用才有可能捱過困境，「我屋企有長輩又有小朋友，冇咗我嗰份收入，影響真係好大，買乜都要諗過度過，同埋要等晏啲先去街市買平餸，慳得一蚊得一蚊！」
幸「防疫基金」津貼稍紓困境
她們表示，幸獲政府「防疫抗疫基金」提供支援，曾獲6萬元津貼，才可稍紓困境，但因申請設有門檻，知道有不少同行因未獲證明而未符資格申領津貼，境況更堪憐。
雖然本地遊及與新加坡的「旅遊氣泡」即將重啟，但她們認為對旅遊從業員的幫助不大，「始終喺自己地方，未必好多香港人對本地遊有興趣，就算有都係得星期六、日出團，『旅遊氣泡』得新加坡，團數都唔會多，我哋旅遊業咁多人，我諗好難先至有機會接到工作！」
但她們表明，已為重投旅遊業做好準備，包括早前已完成接種兩劑疫苗，「只要一有團搵我哋，就可以即刻開工。」但單靠業界的力量仍有限，她們呼籲廣大市民積極接種疫苗，讓香港擺脫疫情困局，「唔好再觀望啦，如果有多啲人打針，就有機會早啲通關，幫到我哋，亦可以令香港好快返番以前咁樣咁繁榮。」
●香港文匯報記者 高俊威