|
【本報訊】（記者 鄭治祖）曾蔭權在立法會宣讀施政報告期間，社民連3名立法會議員重演「掟蕉」動作，引起市民的不滿。在電台烽煙節目上，市民李先生大罵社民連的無理行為，批評3人的行為對整個香港都有影響，如果容忍議員在議事廳中有如此行為，試問如何為香港做事。
不能「側側膊」 促議員跟進
他強調，這次絕對不能像上次一樣「側側膊」，不了了之，希望全體議員可以跟進：「特別係黃毓民。呢度並唔係台灣『立委會』，而係香港。」
在「香港討論區」，有不少網民亦狠批社民連3人連日來的行為。網民「大田兄」說：「其實我之前係支持社民連，因為佢地敢作敢為。但係依家佢地3個真係不知所謂，毫無貢獻。你地3個在職咁耐，你地做過D咩！！開會大大聲聲攪事，做亂黨！！！香港仲有得救咩？」網民「幪面超人」則回應道：「若你曾真係投佢地票選佢地，希望你下屆唔好再選呢種人，幫幫忙，我唔想見到香港搞到好似爛仔匯社團開會咁。」
次次搗亂 毫無責任感
網民「朱仔成」笑言：「（社民連3人）可能咁彻成班FD去唱K打機，所以提早離開。」「ingredient」亦指：「除咗做議員，真係諗唔到有咩工可以做幾分鐘就收工！」「牡犡」則指，社民連3人的行為反映議員「又幾好做」：「次次去搗亂，然後被趕離場；次次開會，有出席，但又可以提早走人，去飲茶食飯，一D責任感都無！對議事庭一D貢獻都無！份糧就可以袋袋平安！」
|
