|
香港文匯報訊 (記者 鄭治祖) 全城聲討涉嫌在幕後策動港珠澳大橋環評案及外傭居港權司法覆核的公民黨「禍港殃民」，惜公民黨不但沒有「自省吾身」，更舉行所謂「企硬大會」，聲稱該黨「被政治抹黑」，更狂言他們「左執人權，右持法治，輸議席都唔輸黨格」，再惹民憤。有市民就發揮無限創意，上載了「惡搞」的電影海報，並將公民黨這「金句」稍作修改，以「左執人權強姦民意，右持法治打劫搶錢」，「左執人權，暗收黑金；右執法治，濫興訴訟」等「即興創作」，批評公民黨「黨格就是衰格，任務就是賣港」。
大橋案及外傭爭居港權的司法覆核案，令公民黨淪為「過街老鼠」，部分參與今年區議會選舉者為求「止血」，更索性「隱身」，不敢掛出該黨招牌。不過，公民黨卻於日前舉行所謂「企硬」大會，強調其「黨格論」，有如在「火上澆油」，激起大批市民狠批公民黨死不悔改，絕對是「香港之恥」。
「佢哋嘅黨格就係賤格」
在網上討論區，「dummylem@n」就直言：「公民黨一直以來都無輸到黨格，因為佢哋嘅黨格就係賤格，所以從來無輸黨格！」「johnchanhk」亦質疑公民黨「何來黨格」：「從前未清楚呢班人，就真係覺得呢班律師係香港的希望，但佢哋搞完一件又一件事之後發現，呢班人實際做嘢傷害咗香港及香港人很多次！」
「best1st」就質疑，公民黨是次「忽然企硬」，只是意圖「先安內」：「應該係個黨面對好大內部分歧，畀自己友質疑點解個黨搞到今日呢個地步，先要搞個咁嘅公開洗腦活動，亦證明咗呢個政黨好快玩完。」
「loveloveppc」就諷刺公民黨「跌落地抓把沙」：「死都要自吹自擂，真係有黨格，不過係衰格個格，賤格個格，咁得民心就唔會落到咁嘅田地，係為香港人嘅就唔會得唔到香港人嘅支持啦！(公民黨)自己唔問吓自己到底做錯啲咩，仲敢講話贏咗尊重，尊重你哋班××就唔會變過街老鼠人人喊打啦！你知唔知呢個醜字點寫？」
「黨之將亡，其言也賤！」
「kkmmlove」則指：「(公民黨)依家已經打定輸數，幫自己搵定下台階啦，無人支持嘅政黨，仲有咩好講？收檔啦！」「今生何求」亦說：「公民黨真係可以講壽終正寢喎，年頭佢哋公民黨支持率真係全政黨之冠，而依家就好似喪家之犬咁，人人喊打，公民黨不如提早收皮，改過個名借屍還魂好過！」「dinlo」在作總結時稱：「人之將死，其言也善；黨之將亡，其言也賤！」
市民並將公民黨「左執人權，右持法治」的言論，與近期「熱爆」的壹傳媒集團主席黎智英的「政治獻金醜聞」作有機聯繫，借題發揮。「單身寡佬」惡搞道：「左拾港紙，右拿美金！」「greenleaves」亦創作道：「左執人權，暗收黑金；右執法治，濫興訴訟！」「Realheart」亦加入金句接龍：「左手拎住係殺港人刀，右手拎住係花花銀紙」。「122003」就指：「左舞人權，右玩法治，公害黨格，衰衰格格！」
|
