|
「瞞報門」事件發生至今，民主黨主席何俊仁仍未有公開交代事件，而其他反對派政黨及政團中人均不吭一聲，扮作「睇唔到」。有市民在網上討論區「封」何俊仁為「龜仙人」，揶揄他一直「龜縮」，有人則戲言，若目前舉行「『民主派』潛水大賽」，各反對派中人會「潛水潛到九月九（立法會選舉日）」。
在網上討論區，市民繼續留言要求「76人」（意指何俊仁在特首選舉中僅取得76票）公開交代「瞞報門」。網民「cccseee」揶揄道：「民主黨主席何俊仁，忙極都要出來交代㗎！閣下經常向政府表達市民意見，素來又重視誠信……相信何俊仁主席必會出來交代事件，但要盡快啦，十幾日都唔覆，市民唔接受㗎！」「JASONWCC」亦戲言：「做乜仁哥咁耐都唔肯出來開個記者會澄清吓㗎，佢咁樣，啲粉絲好傷心㗎喎！」
網民細數安排完美
在討論區上載公司註冊處文件、踢爆何俊仁「講大話」的「wongfl1934」，昨日再質疑何俊仁早前自爆「漏報」，是經過「精心計算」的，「佢真係算得好準，舊年4月明報爆6個功能組別議員漏報之後立法會查咗件事幾個月，11月公布報告，呢段期間佢即使明知自己身有屎（佢2011年9月仍然繼續向公司註冊處申報自己係董事同股東）都唔報，到今年特首選舉，佢明知自己瞞報仲插CY話佢漏報，誠信有問題，但自己繼續唔報，等到會期完之前一星期先補飛，好處係：
一、補番飛安全啲，下屆有人check返都可以話係唔小心漏咗，發現之後已經主動補番，博無人會深究件事；
二、會期都完應該無人會check呢啲嘢，相對安全；
三、會期完之前補，有人發現都無時間畀立法會查，咩特權法都用唔到；
四、跟住就係選舉期，又可以話唔可以評論呢件事，冚實晒，又過骨！
促稅局查有否瞞稅
網民「AUYEUNGFUNG」贊同道：「由此可見，何76先生選擇最近才『補飛』，實在非常之『巧合』，實在巧合得『太完美』、『太合時』，使我不能相信是巧合。」「toto12345」則留言揶揄何俊仁，「如果知會玩到咁大，白鴿黨佢哋一早應該成立一個調查小組，自己人查自己人，等待合適時機話只係一時大意之類」。「cleverforever」則補充說：「稅局都要查吓吨膝q利益，有無瞞稅呀！」
質疑拒下台難問責
大批市民在昨日留言中繼續要求何俊仁「下台」。「orca」說：「佢（何俊仁）咁鍾意話人誠信破產，叫人下台，點解佢自己唔做好榜樣呢？難道待人以嚴，待己以寬就係香港核心價值？」「Joeycky」說：「何生誠信出現問題，請問責辭任黨主席及立法會議員，不要做嚴人寬己偽君子，強烈要求退選立法會，向執法機構及市民全面交代！」「Sverige」亦批評道：「蓄意隱瞞、欺騙市民，請你馬上下台！」「ryan2288」強調道：「天地有正氣，不容假民主派持雙重標準欺騙香港市民！」「tkkay623」就呼籲：「76人扮睇唔到聽唔到都係想留低做議員！想佢自己落台就難了，還是等我們市民—腳伸佢下來吧！」■香港文匯報記者 鄭治祖
|
