一篇訪問，引爆兩場「關公災難」？蟲泰在《明報》的訪問中，稱不同人參與「抗爭」的「成本有差別」，而自己當選立法會議員後「揚咗」， 「無法走去（抗爭）戰線的最前方」。不少網民批評，蟲泰及「熱狗」各頭面人物「得把口」，經常聲稱要「勇武抗爭」，甚至鼓吹示威者「掟磚」，是「推??仔去坐監，自己就攞光環」，損人利己。
??仔去坐監 自己做議員
「熱普城」一直鼓吹示威者「勇武」，但各頭頭被質疑從未出現在第一線，只識叫人衝，出事就自己走咗去。在訪問中，蟲泰聲稱自己未來「無法走去（抗爭）戰線的最前方」，「因為各人的成本有差別......我的成本是露面了，曾經在『光復行動』中，只是站立就被幾廿個警察包圍，你仲想我做到什麼？不是說我不想做，而是面對幾廿個警察，難道真是去打他們？這都是限制。」
網民「Ah Bo」留言批評，「你（蟲泰）露面有（幾）廿個差佬招呼你做唔到野（嘢），咁比（俾）你叫出去的人唔使面對差佬咩？」「Luke JD」更留言道，「有邊個『有頭有面』既（嘅）社會領袖唔係一出黎（嚟）就有差佬招呼架（㗎）？咁就唔可以企到最前，咁你可付出既（哋）代價好×細囉，仲講咩『勇武』吖！」「有（幾）廿個差佬圍住就唔可出手打？咁你地（哋）『熱普城』又咁推崇人掟磚？......你既（哋）『得把口』講下（吓）就推左（咗）一班靚（??）仔去坐監，而你就攞左（咗）光環做議員！咁我唔知邊個做法『損人利己』啲囉！」
少年，你們太年輕了！蟲泰之言，其實是「熱普城」一以貫之的「原則」──自己唔會上身。「國師」傻根（陳云根）在前年「佔旺」期間就到旺角示範使用行李喼當作盾牌衝擊警員，口頭叫人扔汽油彈又話流血又話盛，但衝擊時就「人間蒸發」。
當時有人質疑他得把口，傻根就在facebook留言稱：「各位是否要等到我親身在旺角出現，走在前排，投擲第一塊磚頭或第一枚汽油彈呢？如果各位真要我這樣做，我只能說：我×你地（哋）老母臭×。」
龍門達厚顏認梗係走先
龍門達（黃洋達）在旺角暴亂當晚身在現場，更在fb發帖「讓磚頭飛」，結果咩事都冇。在今年立法會選舉的一個論壇上，民主黨胡志偉就質疑龍門達明明每次涉嫌違法衝擊期間都在場，但鮮有被捕。龍門達非常「豪氣」地稱，每個人能夠承擔的後果都不同，身為「領袖」要「教育到群眾、保護到群眾」，故他的「責任」是要「帶領」抗爭者「突然離場」。「（我）梗係走啦，大佬，做乜俾佢（警員）拉呀？」
胡志偉當即批評：「你身為一個領袖，係企喺後面......教育群眾嘅意思，係你（其他示威者）去掟、我教你去掟，你煽動佢哋去被拉，如果咁樣，你作為一個政治領袖，連最基本嘅人格都冇！」 ■記者 羅旦
