■黎振燁稱對心穎射箭有信心。香港文匯報訊（記者 梁靜儀）黃心穎與應屆香港先生冠軍黎振燁、丁子朗等，前晚於將軍澳電視城為無綫籌款節目《歡樂滿東華2016》綵排，心穎屆時會與一眾香港先生表演「疊羅漢」，她就會爬到最頂峰，做出一字馬拉弓再射出火箭。
心穎表示前晚才首次排練，令她緊張亦很擔心，因表演項目有危險性，綵排時不停拉弓射箭，練到雙手起繭。自認有天份的心穎，雖然第一次射箭，但不擔心拉弓擦傷自己會變「花臉貓」，她說：「因為火箭係唔會拉近塊臉，亦應該唔會射中人，都會多加練習，練習時我眼界都幾準，不過我唔係瞄準目標，係憑感覺射中靶心，唔係瞄準反而就射中。」
問到黎振燁會否擔心到時心穎失手，火箭時燒到他的頭？他笑說：「心穎話有信心，唯有信佢，唔信都沒辦法，為慈善都唔怕受傷，我負責跳舞，又唔係做靶，（唔怕火箭跌落你度？）我信得過心穎，應該唔會太危險。」二人又稱若籌得一百萬，一切在所不計。心穎更建議由港男一字排開做箭靶，命中率會更高。黎振燁就笑說：「咁我希望心穎瞄準我好喇，因為佢話平時瞄準目標反而射唔中。」