■古天樂直言有留意無綫有意開拍《再創世紀》。香港文匯報訊（記者 梁靜儀）古天樂(古仔)與杜如風昨日到銅鑼灣出席信用卡活動，古仔自爆每次去旅行都有一個指定動作，就是買篋，家中至少有三、四十個篋，更有一間房專門用來放篋，他說：「買平平哋就得，通常唔買咁靚的篋，用爛咗放在屋企裝衫。」對於近日不時有舊將如張衛健等回巢效力，當問到無綫有冇聯絡他「還劇債」，以知名度幫手提升收視，古仔笑謂：「收視重任好難擔當喎。無綫係間中有搵過我，不過要睇劇本同時間囉。」
近日正忙於拍攝科幻片《明日戰記》的古仔，被問到有傳無綫將開拍《再創世紀》，曾在《創世紀》中飾演張自力的他，坦言有聽聞過此事，但無綫就沒有找他。問到他是否還欠無綫一套劇？他說：「係？唔知呀！」回巢拍劇主要睇劇本及時間，可能是很多年後。
以往幫父錄影TVB劇集
說到近期羅嘉良及張衛健等回巢拍劇救收視，古仔自言難以擔當救收視的重任，但承認間中都有監製找他回巢，主要睇劇本及時間。雖然離開電視台多年，但古仔有時間都會睇電視，爸爸更是電視迷，基本上任何節目都睇，以往更有幫他錄影在TVB拍的劇集。問到爸爸對他的演出有何評語？古仔笑說：「爸爸實話好，唔中肯，唔通兜口兜面話唔好咩？（想同邊個合作？）可能好多年後，現在講咩都沒用。」
日食夜瞓杜如風嗌悶
同場的杜如風昨日穿上高跟鞋進行碌篋比賽，其間發生「墮篋」意外，事後她笑言自己很有體育精神，即時爬起身繼續比賽，但因觸及膝蓋韌帶舊患以致隱隱作痛。她表示物理治療師指她休養多四個月才復元，暫時不能帶團。她謂稍後會為無綫主持旅遊節目，地點暫時未諗到，原本想過坐住輪椅拍攝，但有些百貨公司不能入。她謂現時仍未可以做運動，但就可以上網購物做手指運動。