■小齊話只要唔跌倒，踩單車不會觸傷腰患。香港文匯報訊（記者 植植） 任賢齊、陳嘉寶（Anjaylia）、蔡思貝、張彥博等昨日出席單車百萬行活動，小齊前晚剛從台灣返港，昨早5時起身感到好「飄」，來到心情興奮。他說香港很多人喜歡踩單車，希望政府規劃更多單車徑。小齊落場踩足全程，談到早前參加越野賽車撞樹傷腰，他說：「腰傷OK ，如上下跳腰骨承受身體重量會傷，今日平衡踩單車OK，唔跌就OK，如炒車就真係好痛，怕撞到人，因路窄加上有些人掛住影相。」
小齊早前在記者會上透露不穿內褲踩單車，他直言真的沒穿內褲，專業單車選手是不穿內褲，因怕磨損，本身單車褲已有保護墊。此外，他表示前兩日返台灣探望很久沒見的父母，問父母可有擔心他的傷勢？小齊表示向父母報稱傷勢輕微。
Anjaylia表示第一年參與活動，原先打算踩單車踩足全程，更特意為此而備戰，卻發現活動後要趕去拍劇，所以無緣落場一起踩：「我之前特意去備戰，但沒用武之地，我本身平衡好差，係運動白癡，為咗個活動都練咗六日。」
問到是否找男友教她踩單車？陳嘉寶笑說：「教唔到，通常教教吓妢|唔明我點解咁唔協調，之後會發生衝突，佢盡量溫柔，但對住佢總有啲難以言喻的道理，所以今次係搵咗朋友教，或者唔太熟的朋友就會好些。」
提到小齊曾在記招上建議她踩單車時不要穿底褲，Anjaylia笑謂：「我都有諗係咪要衝破呢個關口呢，我練的時候都衝破唔到，今日(昨日)又唔使衝破，但其實如果今日(昨日)參加到，我都未必衝破到，我冇咁勇敢。」