■出事扶手電梯入口事後被木板圍封。 網上圖片在場目擊倒梯意外的巿民陳小姐稱，她與友人在朗豪坊逛街，正準備在地下乘扶手電梯往四樓中庭時，突然見到扶手梯由往上方向，突後較正常快三四倍的速度溜後，過程約10秒，結果梯上20多人「由最頂位置碌落到最底層，有個人撳住頭流血暈低喺地下，消防嚟咗三四轉車送走佢哋。」
陳小姐頻呼好彩稱，「我真係好驚，點解發生啲咁嘅事，若果我快兩三秒行咗上去，被壓住嗰個就會係我。」
餐廳職員朱小姐指，「扶梯（倒行）快過平時正常速度，有啲人驚到爬過去隔籬扶手電梯度，之後（扶梯）應該俾人撳停咗，廿幾三十個人瞓晒喺地下度，人疊人好恐慌。」
目擊者柳小姐表示：「聽到有人尖叫，我轉身向扶手電梯望去，見電梯以3倍高速向下移動，搞到啲人好驚，開始人疊人。」
另有目擊者稱：「應該都有十幾人堆埋一齊，但很快起身。有位男士喺樓梯底仰臥躺地，隻眼閤埋全無反應，有位外籍人士跟商場職員一齊幫佢頭部止血。」
消防出動流動治療車
朗豪坊倒梯意外發生後，消防處派出「流動傷者治療車」到場協助善後。
資料顯示，治療車上設備頗齊全，有小型手術室、正壓搶救室、手術燈以及充氣帳幕 ，還配備了大量醫療用品，讓醫護人員在車上即時為傷者施手術。
救護總區現時共有3款「流動傷者治療車」，分別駐守西灣河、青衣、何文田及元朗救護站，今次出動的是車身較短，但靈活度高的「A800流動傷者治療車」。 ■記者 杜法祖