■周韋樂。網上截圖香港文匯報訊（記者 鄭治祖）不少前「骨幹成員」揭露了所謂「熱狗」的「幫會式」管治內情，真係越睇越心寒。「 嶺南大學退聯關注組」發起人周韋樂近日稱，身為「熱狗」的他，當時只是在facebook留言說了一句：「點解『本民青』入獄嘅人就係抵死，自己人入獄就係『義士』呢？」隨即被「熱狗」的「區頭」批鬥，更因而被人監察，連基本的人身、言論自由都沒有，其後終與「熱狗」決裂。
狗主黃毓民近日在網台稱「熱狗前首領」狗達（黃洋達）一直採取「幫會式管治」，仲話對方「惡過黑社會」喎。曾為「熱狗」活躍成員的周韋樂，曾於去年9月立法會選舉期間、身穿印有「熱普城」狗達名字的上衣到觀塘翠屏邨替對方拉票時，以啤酒樽襲擊一名女子，而被控一項襲擊致造成身體傷害罪，獲判24個月感化令。
近日，已退出「熱狗」的他就在「無敵神駒」仇思達的網台節目上大爆「熱狗」的「幫會管治」的內幕。
周韋樂聲稱，早前有一名「本民青」成員或支持者被判入獄，有些「熱狗」隨即在facebook留言指此人是「抵死」，他就留言反駁，「點解『本民青』入獄嘅人就係抵死，自己人入獄就係『義士』呢？」
此話一出，一個「熱狗」的「區頭」，就在內部WhatsApp群組裡「cap圖」（截圖），再質問周韋樂：「你依家係咪仲同『本民青』有親呀？」
「區頭」叫人「睇實」 唔敢再「亂講嘢」
其後，該「區頭」叫周韋樂的一個大學同學「睇實」佢。周韋樂稱，自己當時就意會到「熱狗」開始要批鬥他，所以他不敢再「亂講嘢」，「即係我get到嘅意思係開始會有批鬥行動，係想畀我知係有人喺你旁邊（㗎），你唔好亂講嘢呀！之後我呢幾個月都唔敢喺facebook度講咩其他嘢嘅，令到我完全唔敢再出聲啦！」
「無敵神駒」隨即質疑，「熱狗」是一個嚴密的「幫會化」組織，每一個成員均要被它控制，「呢啲係乜×嘢組織嚟（㗎）！......平×時成日喺度講言論自由。咁×鍾意控制人？包括鄭松泰議員呀，都係受你黃洋達控制囉！佢咪就係一個咁×嚴密嘅『幫會化』組織嚟（㗎）囉，邊度使呃人呀仲？講一句說話都唔×得（㗎）！」