■右起：張智霖、佘詩曼、吳鎮宇和周秀娜聯手合作。新戲要飛車 阿佘嗌怕怕
香港文匯報訊（記者 梁靜儀）吳鎮宇、張智霖（Chilam）、佘詩曼（阿佘）、周秀娜、劉浩龍及鄭則士等昨日到啟德郵輪碼頭出席新片《洩密行者》開鏡拜神。昨日的其中一個焦點是娜姐，皆因她最近被拍得與已婚監製去睇戲，但她指男方只是多年的朋友，強調絕不會選擇有婦之夫。
鎮宇、Chilam及阿佘剛由檳城拍戲回港，其間去了榴槤山拍攝，Chilam笑指今次鎮宇教了他一個好大的冷知識：「鎮宇表演咗一次食完榴槤就飲酒，原來真係得嘅，可能係佢先得，我就唔會試，但當地嘅榴槤非常好食。」鎮宇自言可以食榴槤都能測到品種。
戲中鎮宇與Chilam分別飾演香港及馬來西亞警察，而阿佘則飾演新聞記者，問到二人於片中是否負責保護阿佘？鎮宇笑說：「我哋係畀阿佘拉埋落水，我都唔想參與，（三個人有感情線？）我哋三個好好感情。」 問到可有動作戲？鎮宇說：「有另一啲演員負責，我哋都係飛車開槍，又唔係動作明星，打亦都冇謂。」阿佘透露片中有飛車場面，都感到害怕。Chilam表示會配合，鎮宇聞言就笑說：「你咁都當自己係動作演員，咁成龍嗰啲係咩？」
忙工作冇拍拖
娜姐周秀娜近日被拍到與已婚監製黃永峰去睇戲，二人於六年前已傳過緋聞。娜姐承認與對方去睇，表示認識男方多年，是朋友，也認識對方的太太。問到會否避忌一吓？娜姐說：「唔會特登避忌，（下次叫埋黃太去睇戲？）可以呀。」她強調絕不會選擇有太太的男士。
自言單身沒拍拖的娜姐，笑言忙於工作，也數不出有幾耐冇拍拖，問到是否很dry？她說：「dry到皮膚敏感，快啲叫老闆開套愛情片畀我滋潤下，（拍戲同真實生活唔同？）工作太忙，都無時間去了解對方，（有冇追求者？）冇呀，啲朋友話約我食飯都要等三個月，今年都忙拍劇同電影。」