■陳秀慧在fb批評戴耀廷卸膊。 fb截圖狗口都長得出象牙？得，真係得，講返句公道說話咪得囉。隨着「雙學三丑」因衝擊政總前地被改判即時監禁，唔少人都放長雙眼睇吓幾時輪到當日鼓吹「佔領」嘅「佔中三丑」之一嘅「戴妖」戴耀廷。不過，當被指自己應該背負最大責任時，戴妖竟然使出大絕活「所有人都有責任」。嘩！關其他人咩事啊？今次秒殺戴妖嘅唔係其他人，而係成日自己都講嘢出事嘅「熱青城」，其中「熱狗」過氣頭目個老婆殘獸慧（陳秀慧）就一針見血咁話，「人地（哋）講緊你最大責任呀戴生，× spin（扭曲）去話人都有責任，唔通自己既（嘅）責任就無事打和super咩~」
法官早前判「雙學三丑」案時，不點名批評鼓吹「違法達義」嘅「有識之士」，應該要為呢班年輕人坐監而負上最大責任，大律師公會前主席石永泰近日亦點名話戴妖要負上好大責任。
反指石永泰無企埋一齊
戴妖喺啱啱過去個星期日遊行時就俾傳媒追問點睇，點知佢竟然使出大絕活︰「所有人都有責任，點解唔能夠一齊去堅持一個『真普選』，而係讓年輕人走到前面？」佢仲拉埋石永泰落水，話如果石永泰肯同佢哋一齊，聲音就會更大，所以佢都有責任咁話喎，簡直係「公我贏、字你輸」嘅究極版！
Spin到咁連殘獸慧都睇唔過眼，喺facebook出文話︰「正到爆，人地（哋）講緊你最大責任呀戴生，× spin（扭曲）去話人都有責任，唔通自己既（嘅）責任就無事打和super咩~覺得你壇嘢有問題既（嘅），就梗係唔會同你企埋一齊啦，就好似你當日一係（喺）金鐘一宣布（佈）『佔領鐘（中）環』正式開始，就一大班人離開你個場一樣。」「城邦派國師」傻根（陳云根）亦出post話︰「大難臨頭，戴耀庭（廷）竟然推卸當日發起『佔中』和認罪自首的首要責任。」
唔少「熱狗」都加入鬧爆戴妖。「馬菲」就繼續演繹戴妖邏輯話︰「俾（畀）佢講，奧巴馬有責任，如果佢當年嚟香港同佢地（哋）一齊，聲音更大，所以佢有責任。普京有責任、默克爾有責任......咦......但佢地（哋）唔係香港人喎？愛與和平無分國界，所以全世界人都有責任。」
倡轉做污點證人告市民
「林方」就簡潔為戴妖概括話︰「戴耀庭（廷）賴晒全香港七百萬人都有責任。」「陳漢深」恥笑道︰「快啲轉做污點證人，告哂（晒）全香港市民啦。」「KY Lai」就總結出戴妖必勝法話︰「『光環』我獨佔-現金入袋；責任大家分-共同承擔；成功定必認-領導有方；失敗是因你-破壞團結。」
唔少人都希望戴妖會被繩之以法。「Joe Yue」就話︰「呢個賤人入去坐番（返）幾轆（碌）先講啦！」「道明」亦揶揄︰「戴耀庭（廷）你係其中一個『佔中』發起人，點可以大難臨頭各自飛㗎，拉埋你班『佔中三恥』，至可以感召到群眾嘅力量對抗極權！」「Ming Mok」就話︰「過多兩年我們分退休金先至去坐監計劃得非常週（周）詳，可憐嗰班傻仔坐完監後就冇哂（晒）前途想選立法局（會）議員都冇機會。」
「John Tam」就似乎看透世事咁話︰「算把（罷）啦，淨係見啲人×石生多過×佢，× factwire（《傳真社》）多過×林生（釘書機奇案林子健），港豬寧願要『光環』都唔要真相。」 ■香港文匯報記者 甘瑜