■河童一張圖都可以成堆錯字，真係要聽阿媽話，畀心機讀書囉！ fb截圖「中箭（香港眾志）」秘書長「河童」黃之鋒雖然已經鋃鐺入獄，但都不忘繼續喺網絡世界蒲頭。
噚日，就有人幫河童喺facebook貼咗張佢親自繪製嘅監房平面圖，其實監房就冇乜特別，特別係河童30字嘅標示中，竟然有5隻錯字咁多，搞到好似玩找錯處咁，唔少網民都驚訝留言︰「咁多錯別字㗎。」
讀者睇完張圖睇到啲錯字喺邊未呢？分別係「廁所」寫錯咗做「次所」、「洗手盆」寫錯咗做「洗手盤」、「硬板床」寫錯咗做「硬版床」、「儲物箱」寫錯咗做「儲物廂」，仲有個寫到難以辨認嘅「平面圖」個「圖」字。
唔止㗎，佢寫畀外界嘅信入面，更將佢個囚友、因旺角暴亂被判監兩年嘅麥子晞個名寫成「熙」。
網民「Lam Albert」都忍唔住留言話︰「超多錯字。」「Gil Lee」就揶揄河童︰「上設計堂是正確的。」
有網民就解圍話佢有讀寫障礙，不過點都好啦，正如佢媽媽對佢嘅叮囑，河童入到去真係要讀書啦。■香港文匯報記者 甘瑜