■毛孟靜就在facebook發帖批評《壹週Plus》種族歧視。 fb截圖香港文匯報訊（記者 鄭治祖）2017香港小姐結果日前終於出爐，冠軍由雷莊𠒇奪得，佢靚唔靚就各花入各眼啦。不過，就算對方唔靚都好，都唔使侮辱人啩？《壹週Plus》對這名新港姐毫不客氣，以「【負皮王】港姐冠軍雷莊𠒇被嘲似賓妹 網友：搞搞棚牙先出嚟見人 」為題，嘲諷稱：「乜今年菲律賓小姐都可以參選嗎？」
為求討好網民、增加點擊率，《壹週Plus》真係去得好盡，難怪連「自己友」都睇唔過眼。一直與壹傳媒創辦人黎智英「關係友好」的「香港本土」立法會議員毛孟靜就在facebook發帖批評，這是赤裸裸的種族歧視，又慨嘆香港新聞「真淪落至此」，叫壹傳媒要醒吓喎！
不過，睇得毛姨fb，唔少都同時係壹仔支持噃，所以就有人撲出來辯護。「David Tan」留言稱：「似賓妹點解種族歧視？賓妹都可以好靚架（㗎）喎！睇你自己點解讀……」「Chung Man」則稱「毛孟靜歧視賓妹，所以似賓妹 = 種族歧視」云云。