■譚文豪。香港文匯報記者梁祖彝 攝上星期喺立法會用紙板打人嘅民主黨一嚿雲（黃碧雲）掉轉頭老屈謝偉俊「性騷擾」，原本成件事都科幻到得啖笑，估唔到公民黨議員譚文豪噚日竟然攞返出嚟講，仲添加情節話謝偉俊「用身軀壓住」黃碧雲。謝偉俊激動表示呢個罪名「非常有冒犯性」，要求譚文豪收返言論或道歉。
事緣上星期民建聯議員葛珮帆喺會議廳內做直播途中，民主黨議員一嚿雲不斷攝鏡，謝偉俊嘗試靠前阻止，一嚿雲隨即大叫「性騷擾」，令謝偉俊大感無奈。
唔少網民都恥笑件事係一嚿雲成左夾凓菑v「#metoo」、扮受害者，但譚文豪噚日竟然攞返出嚟講。佢話，經過修改議事規則戰役，發現一啲議員唔係平時咁樣，顯現出「內在性格」、「原始」嘅一面，「即係你睇佢平時謙謙君子，好尊重女性。哇！我一見到謝偉俊議員咁兇猛嘅！」佢仲話，謝偉俊上星期的舉動令他感到十分驚訝，「嗰日又用身軀壓住，即係逼近黃碧雲啦......你着住西裝，我估唔到係咁㗎嘛！」
反擊：我係侮辱咗狗狼
民建聯議員葛珮帆隨即批評，譚文豪就上星期情況嘅描述唔係事實，又認為他以「壓住」的詞匯具冒犯性。代主席李慧琼隨即提醒譚文豪唔應該以冒犯性言語對待其他議員。謝偉俊亦批評譚文豪借題發揮，要求李慧琼裁決，「我請佢收返言論或道歉，唔好惺惺作態『扮晒嘢』。」
李慧琼再次提醒譚文豪應留意發言內容，但未有察覺其言詞有冒犯性。謝偉俊隨即激動指：「佢係借一個非直接的冒犯，但佢講的事情非常有冒犯性及指控性......惡人先告狀，幫黃碧雲開脫」，又大鬧譚文豪作出毫無根據的指控，「佢真係無恥的狗狼。」譚文豪其後亦就此要求主席裁決，謝偉俊直言：「我係侮辱咗狗狼，對唔住！」■香港文匯報記者 鄭治祖