■鄭泳舜同謝霆鋒一齊探明哥。fb圖片香港文匯報訊（記者 鄭治祖）因主持烹飪節目的《突出表現》而被戲稱為「Chef Le Mon」的謝霆鋒，因為重拾結他在一音樂頒獎上的驚喜演出而備受讚賞。不過，除咗音樂，佢仲好有愛心，喺去年9月，原來佢曾經同民建聯深水埗區議員鄭泳舜一齊落區探訪基層街坊同長者，仲拜訪咗北河街燒臘店的深水埗明哥陳灼明。
為基層送暖 增添正能量
鄭泳舜昨日喺fb上載咗呇P謝霆鋒落區嘅照片，包括兩人傾偈、一齊探明哥，同埋鄭泳舜自己做「外賣仔」嘅照片，帖文就話：「的確估你唔到之......阿舜 VS 霆鋒齊齊現身深水埗，為基層、為長者、為獨居送暖，Chef Nic @謝霆鋒《鋒味》唱得跳得又煮得，街坊開心驚喜又興奮，但願更多朋友，關心身邊有需要的人，為構建和諧社會出一分力，增添多一點正能量！」
鄭泳舜仲引用咗謝霆鋒首《活着Viva》嘅歌詞：「年輕得碰着誰亦能像威化般乾脆，快活到半日也像活盡一百萬歲......」同埋一句：「除了一齊回憶之外，更重要是去見證、去期待，一個你估不到的將來......」
據鄭泳舜講，呢輯相係舊年9月潮州公會舉辦關壞社區活動時拍攝嘅。霆鋒對於深水埗民生問題同埋飲食文化都非常有興趣，身為公會名譽顧問嘅鄭泳舜就獲安排同對方一齊落區，更喺明哥嘅飯堂幫手。
本來，佢同霆鋒會同明哥派飯，仲計劃一齊探劏房戶，但因為太多街坊聽到風聲湧來，但喺「北河同行」逗留嗰一陣，就已經有過百人圍觀，結果霆鋒只能夠喺明哥舖內幫手舀飯。同埋取消探訪行動，所以最終鄭泳舜自己就獨自做咗「外賣仔」，將飯盒送到劏房畀長者。