■一班「科普膠」唔明點解有人要貶低理科，於是發文反擊「葉一知」的謬論。fb截圖一個人中咗「政治毒」會係點樣嘅呢，就係凡事都要政治化囉！皇仁書院近日提到對叩門生的要求，包括要多讀科學科技書，一直親反對派嘅通識導師「葉一知」就發帖FF，話皇仁呢類咁Top嘅學校都只鼓勵人睇科學書而唔提「令人較不容易被權力欺騙」嘅人文科學書，先會令香港現在咁多「港豬」喎！一群「科普膠」就反駁，話讀science就係教你求真，「識fact check又點會容易受騙？」有人更揶揄，葉一知「完美展現咩叫一知半解」。
反對派最叻嘅就係咩都來一番政治陰謀論。葉一知近日在fb轉發了皇仁提到要學生多讀科技書，就借題發揮話：「香港人點解容易淪為港豬，點解政治上咁幼稚或咁冷漠，......真係同教育好有關係。」
佢隨即將矛頭指向皇仁：「即使係最top的學校，佢都出聲鼓勵你睇科學科技書，唔會提人文科學書，......剩係睇科學你點會夠共產黨玩？不過作為建制一部分，學校寧願要乖乖的科學人陳易希，都唔想懂思考社會問題的（『香港眾志』）黃之鋒。」
葉一知在另一帖中又講，「在小學期間，大部分小孩子想像力好豐富，其實係較適合睇文學、小說、歷史、傳記等帶有故事性的人文科學讀物，科學理論或應用，如果唔係嗰種興趣的人，對大部分人來說其實好悶，提不起興趣讀，......科學不擅於處理人性、感情，人文科學才可以令人對人生反思和體會，較不容易被權力欺騙」云云。
佢嘅支持者當然留言一齊取暖。「Takyin Chan」就話：「其實政府一開始已以訓練港豬為任務，理科如是，文科亦如是。」「Bonnie Wong」更扯到中共十九大報告：「十九大的藍圖裡主席重點強調要有創新科技新世代，......所以科技研發不可不是重點！」
不過，成班「科普膠」當然唔係咁睇。自稱「科普傻人」嘅博客「腦人家」就發帖反駁葉一知：「科學與文學一樣，均可以讓小朋友擁有無窮既想像空間-『點解雀仔會飛？』、『點解一個齒輪可以推動一架車？』、『點解舊餅跌左（咗）落地唔可以／唔應該執返黎（嚟）食？』全都需要好奇心同創意，才可解決此類問題。」
網友：讀科學識fact check
他續道：「科學是否不善於處理人性？君不見心理學、神經科學等，可以同哲學相輔相乘（成），去將人性、感性問題慢慢揭開？有不少人總會以為只有人文學科才可防止學生被權力擺佈，但其實科學與人文學科一樣重要-民主科學需要科學，才能真正認清楚政府想對你幹什麼。」
不少網友以《十萬個為什麼》、《漢聲小百科》為例，指自己「細細個就睇」，並培養了自己的閱讀習慣，更揶揄葉一知唔知係咪讀書時受過咩嘢創傷。
其中，「Cherry Cheung」質疑葉一知稱人文科學「較不容易被權力欺騙」的說法：「讀science就係教你求真（讀文獻都唔可以盡信啦），識fact check又點會容易受騙？」
「Lok-Chi Chan」直指：「第一，我唔明鼓勵人睇科學書，同睇人文書，有乜衝突。第二，認真既（嘅）social sciences一樣可以好深好悶，而其實呢d（啲）深既social sciences先最幫到人睇清社會運作。只以文藝書理解社會，往往流於浪漫主義（可以係黑暗浪漫），一樣容易被權力欺騙，雖然呢個權力未必係統治者，可以係其他政治派系。」
「Wai Kin Lai」就狠批道：「條友係咪弱智，皇仁應該冇禁止人睇人文書。即係有個阿媽見個仔少食生果，勸佢食多D（啲），然後有條×頭出黎（嚟）×叫話點解唔叫佢飲多D（啲）水。所以話，思考邏輯係人文佬弱項。」 ■香港文匯報記者 羅旦