■戇橋又成為出賣蟲炎的關鍵一角。 fb截圖《西遊記》帶給我們的啟示是：有一個豬一樣的隊友，可以送團隊上西天。公民黨黨魁戇橋（楊岳橋）再獻新猷，就係喺講DQ問題時突然說溜嘴，就係話政府應該畀曾經被DQ者「改過自新」喎！唔少網民就揶揄，話反對派唔係講過DQ唔公義嘅咩，做咩突然又認被DQ者確係有過呀，唔通食咗誠實豆沙包？有人覺得反對派班友為咗議席朝秦暮楚是常識吧！有人更加話即係DQ蟲炎（姚松炎）做得啱，而且一路都冇認過錯，唔爭在補選都DQ埋佢，呢鋪蟲炎真係多得戇橋唔少！
戇橋此前講過「坐監令人生更精彩」，即刻俾人寸爆點解佢自己唔去精彩一番。正當蟲炎仲擔驚受怕，今次補選冇得入閘，日日都話自己被所謂「無理DQ」來賣小強之際，戇橋近日就喺接受電台訪問，講到有消息指蟲炎都可能會被DQ時，就質疑話「點解唔俾（畀）曾經宣誓無效嘅人『改過自新』」咁話喎。
民建聯東區支部fb專頁就轉發呢段新聞，仲發帖揶揄：「既然你都認為姚松炎係自己有『過』導致被法院DQ，咁點解你地（哋）班人仲反DQ？」帖子仲標註咗「飯（泛）民都覺姚教授有錯」、「點解要屈（馮檢）基」等等。
民記諷「食咗誠實豆沙包」
民建聯fb專頁就分享咗呢張帖，仲形容戇橋係「食咗誠實豆沙包」：「係囉，既然有『過』點解仲反DQ呢？」帖子仲標註咗「自爆」、「係咪AY都睇唔過眼」等。
民建聯各地區支部，同主席李慧琼、立法會議員梁志祥等都分享咗呢個帖。民建聯北區區議員賴心更抵死留言道：「反對派個龍門已經進化到有轆，以後唔使搬，輕輕力推就得！遲D（啲）可能改用搖（遙）控，仲慳力！」
網民批反對派無可能改「過」
網民「Chi Wai Hsu」直指：「佢（蟲炎）自己都唔認為自己有過，又何來叫改過自身（新）呢？」「Chun Kau Chiu」也道：「改過自身（新）都要用時間啦，E（呢）頭DQ果（嗰）頭又再選果（嗰）D（啲）叫牆頭草，信唔過架（㗎）！」「Steven Yau」則坦言：「狼來了一百次你重（仲）信唔信，歷史証（證）明，犯民（「泛民」）只會變本加厲，無可能改過自新。」
不嬲都睇阿「關鍵一席」唔順眼嘅激進派，當然出帖寸埋戇橋一份。「墳場新聞」嘅「青永屍」就話：「政治立場有得『改過自新』的？不過『泛民』都有機會改政治立場的，他們人人就像他們討厭的基哥一樣配合執政當局，朝可以事秦、晚可以事楚。」
「Cho Ho Kai」也道：「咁佢係咪覺得姚係錯嘅，政府DQ姚做得啱呀？咁佢之前又話警告政府又盛，洗（使）唔洗（使）出黎（嚟）澄清同道歉啊？」「Fandy Law」更稱：「嗱，完全無骨氣的人版（辦），為了做議員，可以將以前認為對的變成錯。」 ■香港文匯報記者 羅旦