「港獨」分子劉頴匡早前成功經福田口岸返回內地，另一「獨」人陳國強更以沙田區議員身份多次搞內地旅行團，就連公開支持「港獨」分子梁天琦的《100毛》女「偽人」盤菜瑩子（本名柯翠婷）也獲「銀聯卡」賞識？
明撐「獨人」梁天琦，更曾詛咒內地小孩「幾時死」的「盤菜瑩子」，其facebook近日發佈多則安信集團的WeWa銀聯卡的廣告，其中一條由WeWa銀聯卡特約的廣告，她雖非該廣告的主角，但戲份及出鏡場面不少。其後，她又出帖宣傳該信用卡。果然為賺錢「選擇性失憶」，就連一向撐「獨」的她都「唔記得」銀聯其實係中資企業呢？
一直針對「本民青政狗」的親「熱狗」的fb專頁「廢除雙重國籍行動」就睇唔過眼，出帖質疑安信集團是否在未有知會BCT銀聯集團的情況下，聘用支持「港獨」的KOL，陷國家於不義。
發動「熱狗」洗版 要佢冇得撈
該專頁自稱擁護「永續」香港基本法，與「熱狗」的主張相近，早前已發動「熱狗」到盤菜瑩子代言的「健康飲品」fb專頁洗版，誓要佢冇得撈，更引發咗一場「本土派」之間的罵戰。
專頁喺追擊盤菜瑩子的帖文就話，堅定反對一切「港獨」行為，故號召「一齊抵制銀聯卡及安信集團」，又發起「網上公投」抽水，問有關的「中國企業」搵「港獨」KOL 賣廣告嚴重啲，定「港獨」KOL收錢宣傳「中國企業」產品嚴重啲，落力窮追猛打，睇嚟要搞到所有公司聽到「盤菜」個名都怕怕。 ■香港文匯報記者 鄭治祖