幾時都話，「若要人不知，唔好太......」講緊嘅係最近有一個後生仔想考入境主任，但就口不擇言喺「公海group」形容警察係「狗」，點知被人起底，揭發佢過往發佈過不少反政府的帖文。有網民認為，唔識尊重公僕嘅人無資格做公務員，去信入境處叫處方留意。
事緣入境事務處最近聘請入境主任一職，不少年輕人都有意投身該職位，並喺通訊軟件WhatsApp開「study group」分享下資訊。網上就流出幾張來自「IO Interview Training」群組的截圖，討論緊警察PC的職位，事件主角「Hung」就話：「考得IO應該無咩興趣做『狗』」，暗示警察係「狗」。
有人好言相勸，話：「都係打份工啫，唔好狗狗聲咁難聽」，點知事主更講咗句「sorry，侮辱咗啲狗」。在有關對話流出後，佢隨即被起底，更被人發現其facebook有好多反政府訊息。有facebook專頁就發起一人一電郵到入境處，「唔識尊重公僕嘅人無資格做公務員！入境處請到佢將會無運行！」 ■香港文匯報記者 鄭治祖