■陳志全揶揄民主黨話「唔派又派」。派唔派錢，觀點與角度。一直同其他反對派「行埋」要人團結，但選舉時就經常背後插人針嘅「人民力量」，其立法會議員陳志全（慢咇）就借派錢與否一事插其他反對派，包括揶揄公民黨立法會議員郭家麒，及「唔派又派」嘅民主黨。其支持者就附和，更形容其他反對派係「離地白痴」。
郭家麒此前在接受電台訪問時就稱，他不贊成新年度預算案向每名市民派錢，而應投放更多資源在公共開支上，包括增加醫療開支，派錢則無辦法針對安老服務等長遠財政規劃等等。
慢咇在fb轉發有關新聞時揶揄郭家麒：「相信冇人會反對政府增加醫療開支，但這跟全民直接回水並無衝突。增建醫院、增加醫護人員人手，不是一年半載間的事。市民手上多一萬幾千，有乜頭暈身慶（㷫），唔想花幾個鐘頭等急症室，都可以選擇睇私家醫生，有乜唔好呢？」
其支持者就鬧爆郭家麒。「Aaron Ten」稱：「這些人上人，講極都唔明或者紅着眼扮唔明，放棄佢啦！」「Ru Chan」更稱：「呢d（啲）係離地白痴！」「Eddy Tam」也道：「唔該（郭家麒）醫咗自己個腦先啦！」
揶揄鴿黨話「唔派又派」
民主黨立法會議員涂謹申此前在另一電台訪問中話該黨不贊成政府直接向市民派錢，而是善用財政盈餘協助無資產的市民，資助他們的日常開支。
其後，民主黨主席胡志偉突然改口，話以往「派糖」如公屋免租、生果金及綜援出「雙糧」等，都未能惠及所有市民，故同意政府應「還富於民」喎。
慢咇就再發帖，話：「到底民主黨支唔支持全民直接回水？點解好似日日講嘅都有D（啲）唔同？」其支持者就紛紛附和。「Andy Yip」稱：「我最唔明係點解你地（哋）講立場政策邏輯原則時仲可以take 民主黨（or飯民）seriously......算×數啦！」「李世民」則稱：「×你而（𠵱）家d（啲）飯民議員晚晚發d（啲）唔同嘅夢第朝訓（瞓）未醒仲發緊開口夢就亂答。」 ■香港文匯報記者 羅旦