【粵語講呢�齱j掛羊頭賣狗肉．唔食狗肉飲狗汁

梁振輝 香港資深出版人

輝仔：婷婷，早兩日，我同個同事去咗間茶餐廳食晏，佢叫咗碟「粟米斑腩飯」；碟嘢嚟到，佢咬咗件斑腩一啖，就即刻「𦧲1」番出嚟！

婷婷：件嘢係咪臭㗎？

輝仔：唔係，佢話嚿魚唔係「斑」，咁咪即係「掛羊頭賣狗肉」啫，於是嗌咗個經理埋嚟理論！

婷婷：咁個經理點樣「拆掂2」佢吖？

輝仔：個經理話呢啲係一貫叫法喎！

婷婷：係我就會話：「大佬呀，啲舖租人工咁貴，收嗰『幾草嘢3』，畀『斑』你食，咪玩喇！」

輝仔：呢個唔係成本問題，因為根據《商品說明條例》，咁就算係虛假陳述，所以係嗰樣至好講，唔係「差人拉4」㗎！呢，嗰間百年老茶居早兩年，燒鴨當燒鵝賣，咪畀人罰咗八千銀囉！

婷婷：其實改個名做「粟米魚柳飯」咪得囉！

輝仔：掂喎，話咗係「魚柳」，咁畀乜魚你，你都唔敢出聲喇！咁「魚蛋冇魚」、「牛丸冇牛」，又點改至好呢？

婷婷：嗱，我哋可以參考下「魚香茄子」個叫法！

輝仔：係喎，「魚香茄子」冇魚從來都冇乜點嘈，就係因為個名已經講明得魚嘅香味囉！咁「魚蛋」叫「魚香蛋蛋」、「牛丸」叫「牛味丸丸」喇！

婷婷：話講番轉頭，如果你「掛羊頭賣狗肉」，畀人狂「插5」都冇嘢講，不過如果你畀人「老屈6」，咁就真係唔抵嘞！

輝仔：你講緊早排元朗有間食肆畀啲動物生命糾察隊義工爆料，話佢哋以狗代羊嗰單嘢呢！

婷婷：呢單嘢曝光之後，人人行過都「手指篤篤7」，個老細都唔知去邊度「搵窿捐8」囉！

輝仔：好彩，後來個老細攞到啲入黑草羊嘅單據出嚟澄清，如果唔係都唔知點「收科9」！

「掛羊頭賣狗肉」，亦作「懸羊頭賣狗肉」。舊時，有一段時期，狗肉是禁吃的；為了掩人耳目，那些狗肉販子在大門前懸掛着羊頭，顧客入內才發覺這地方是賣狗肉的。比喻表裡不一，思想和言行不一致。

以下是「掛羊頭賣狗肉」的相對英諺：

To cry wine and sell vinegar.（喊酒賣醋）

To sail under false colours.（張起偽旗幟啟航；源起一些海盜船會張起目標襲擊船隻所屬國家的旗幟，目的是令對方放下戒心）

這個諺語也正好用來形容那些以好的名義做幌子，而實際上是在做一些或多或少含欺騙成分或名不副實的事。現實生活中，有不少「掛羊頭賣狗肉」的例子，有些容易識破，有些卻可技巧地蒙混過關，以下便是其中一個個案：

某中藥產品經某大學中醫藥研究部門「初步臨床測試」產品功能，「證實」該產品「或有助於」穩定……

按名詞的涵義，「初步臨床測試」並不能「證實」任何功能，且「或有助於」可相當於「無助於」。然而，從這些字眼的堆砌，人們大多確信了該產品的有效性。為此，有關當局有必要嚴正查閱對於與貨品有關的資料或說明事項，杜絕一切可能鑽空子的空間，以保障消費者的權益。

婷婷：輝仔，你上星期上廣西做義工，有乜見聞呀？

輝仔：我哋個單位就喺玉林市，嗰排嗰度搞緊個「狗肉節」，啲人咪帶我哋去湊下熱鬧囉！

婷婷：輝仔，你死嚹，你食狗肉，我鄙視你！

輝仔：話就話「狗肉節」，但係畀國內外啲愛護動物組織同愛狗人士「�E到實10」，邊仲有人敢郁！

婷婷：咁你哋咪好掃興！

輝仔：又唔係噃，所謂「蛇有蛇路，鼠有鼠路11」，有人就帶咗我哋去一間食肆，大大個招牌寫住乜肉都有得食，唯獨就係見唔到有狗肉……

婷婷：唔使講嘞，肯定係「掛羊頭賣狗肉」喇！

輝仔：婷婷，你好叻呀你！

婷婷：輝仔，老老實實，最終你有冇食到？

輝仔：婷婷，我原則上都接受唔到食狗肉嘅！不過，嗰盆狗肉香噴噴，真係香到你頂唔順㗎，我咪攞咗啲狗汁嚟撈飯，有啲義工就攞咗嚟當湯飲囉！

婷婷：「唔食狗肉飲狗汁」，你哋都得㗎嚹！

「唔食狗肉飲狗汁」，亦作「唔食狗肉撈狗汁」，比喻雖不是直接參與其事，卻做了些間接參與的事。有時，這個俗語也會用來評價那些掩耳盜鈴、自欺欺人的行徑或人。

「發死人財」聽得多，筆者之前也講過，「發粵語財」大家又有否聽過呢？那就是打着「粵語保育及傳承」的旗號去「發財」，更甚者是借香港人對粵語的鍾愛和熱忱去「鼓吹」什麼什麼、「對抗」什麼什麼。對於這類「掛羊頭賣狗肉」的個體或集團，提起筆者也嗤之以鼻，巴不得提筆誅伐。說到底，筆者也算同一路人，不過所發的非那種「不公義」之財，而是：

啟「發」大家在「粵語」這方面的智慧之「才」。

_______________________

1.「𦧲」，粵方言用字，讀「loe1」，吐的意思。

2.「拆掂」中的「拆」原指拆賬、分賬，後借指協商。「拆掂」（to fix it）指把事情弄妥。

3.「幾草嘢」指幾十元。

4.舊時說「差人拉」是指某人的所為屬犯法。這也是嚇唬小孩不要做出不當行為的慣用語。

5.「插」借喻以言語或文字作瘋狂攻擊。

6.「老屈」指造謠以污衊他人聲譽的行為。後果可以很嚴重，如令對方身敗名裂、身陷冤獄。

7.「手指篤篤」指口講指畫地批評別人。

8.「搵窿捐」比喻迅速逃離以避開尷尬場面。

9.「收科」指圓場。

10.「�E」讀「急1-6」。「�E到實」指看得很緊。

11.「蛇有蛇路，鼠有鼠路」，具貶意，指小人或壞人均有其做勾當的門路。

【專欄簡體版】https://leoleung2016.wordpress.com/

讀文匯報PDF版面