深水埗前晚慘遭水車撞斃的姓許（60歲）客貨車男司機，生前與妻及一名兒子居住西貢一間村屋。據悉他上月才剛慶祝60大壽，本身則是一名資深賽車手。
與死者在澳門格蘭披治大賽車上認識的一名車房老闆，事發時剛好在附近車房，驚聞巨響聲後走出查看，赫見倒地傷者竟是認識18年的老戰友，坦言百感交集。
車房老闆麥先生形容，當時眼見「佢喺度嗌，仲未昏迷，大字形攤喺度，左腳掌已經（輾）爛晒。」另外許妻當時亦在場，幸無被撞及，但已被嚇致「出唔到聲、面都青埋......」至於肇事的水車73歲男司機，當時精神狀態不差「唔似恰眼瞓出事」，但他認為73歲已年紀很大，體力有限，做職業司機對自己及途人都會「構成危險」，應該退休。
麥指，他在澳門格蘭披治大賽車上認識死者，並曾同場較量。「佢手車OK㗎，屬於快嘅，唔覺有咩意外......」他讚許是資深車手，參與過無數場大大小小賽事，並贏得多個獎項。
麥指與許已有五六年無見面，不料再見亦是真正的「再見」，對此麥甚是感觸「梗係唔開心，冇諗過喺橫街窄巷會發生咁嚴重交通意外。」他當時即場問過水車司機，「佢話鬼揞眼，可能油門當腳掣入錯咗，佢話拉手掣拉極都拉唔停！」
據現場一間回收公司老闆鍾先生稱，水車當時已洗完街，準備離去，詎料「架車好似有心撞過嚟，嘭一聲衝嚟，見到受傷事主唞氣好出力，講唔到嘢，佢老婆喺車度，喊晒，好快有警察同救護車嚟」。
昨日下午5時許，死者的妻兒聯同十多名親友，帶同香燭鮮花等祭品，重返車禍現場進行路祭，其間各人焚燒冥鏹及輪流上香，另有道士帶領進行招魂儀式，目睹丈年慘死的許妻，按捺不住悲痛，一度聲嘶力竭地大喊丈夫名字，場面令人心酸。 ■香港文匯報記者 蕭景源