香港文匯報訊（記者 陳庭佳）「一地兩檢」條例草案就通過咗嘞，反對派阻止唔到，仲因為咁而出現第N次鬼打鬼。一向同教協主流派唔多妥嘅教協老鬼兼前監事韓連山，就向屬於主流派嘅教協立法會代表葉建源發炮，鬧佢支持「下不為例」，即係投降、賣港啦咁話。教協總幹事馮家強等就專登同韓老鬼「解釋」，仲特別提到同佢特別友好嘅「議會陣線」咖喱飯（范國威）同慢必（陳志全）都對有關「下不為例」嘅修正案投贊成票，激到唔夠人講嘅�lock（封鎖）晒一班「異見人士」。不過呢，話都無咁快，喺條例草案通過當晚，韓老鬼就同佢口中嘅賣港集團同台集會，仲企喺正中間做「中間超人」。哦，明晒，做咁多嘢都係想搶fo（焦點）啫！
借「一地兩檢」片葉建源
話說反對派就「一地兩檢」條例草案提咗廿幾項修正案，有拖遲生效日期，有新增「失效日期」，仲有一項係公民黨譚文豪提嘅，就係指明今次實施「一地兩檢」係「一次性安排」，言下之意即係「下不為例」。條修訂一睇就知，係反對派提嚟拖延表決時間嘅啫。
所以，唔少反對派議員都有發言支持譚文豪呢項修正案，包括葉建源，之但係韓老鬼眼中只有整片森林當中嘅一棵樹，提呢項修正案嘅譚文豪唔鬧，支持呢項修正案嘅其他議員唔鬧，淨係片屬於教協主流派嘅葉建源：「葉建源強調『割地兩檢』『下不為例』。係唔係贊成三讀通過『割地自閹』？」「人民力量」副主席快必譚得志仲走去like同留言附和。
同教協打工嘅馮家強亦都好盡責，出po（帖文）幫老細解畫：「fb有某位人兄批評葉建源發言指『割地兩檢』『下不為例』是投降。......葉建源當時是發言支持公民黨該議案，盡力發言力陳利弊，咁都可以俾某些人不分前因後果話葉建源投降呀『投共』呀，我覺得好煩囉。唔該講嘢前查清楚先，唔好亂噏當秘笈，如果唔係笑死人囉。」
工黨個「佔中糾察」郭紹傑就好有心咁將馮家強個po貼去韓老鬼個fb度，不過韓老鬼就唔領情，話咁樣解釋都只係枉然，如果係譚文豪支持「下不為例」，就連佢都要鬧埋。馮家強無佢咁好氣：「其實呢，認為要『抗爭』甚至覺得要拉布的人，如果連呢啲修正案都接受唔到，咁點做呢？呢啲係常識嚟㗎喎陰公......」
俾人回摑即滅聲封人
郭紹傑仲「溫提」韓老鬼，話同佢不知幾老友嘅咖喱飯同慢必都對「下不為例」嘅修正案投贊成票，咁佢老人家梗係受唔住畀（俾）事實大巴大巴咁摑咁刺激啦，一於刪咗妢縩賒屭魽A馮家強就問足起碼7次韓老鬼點解要刪人留言，最後激到佢將一班「異見人士」趕盡殺絕：「Block晒！費事回應！」
咬完人又做「中間超人」
當日係「一地兩檢」條例草案最後一日審議，主流反對派夜晚喺立法會煲底搞集會，對於形容佢哋係「賣港集團」嘅韓老鬼嚟講其實都應該「非禮勿去」，但佢偏偏當晚就企正大台中間位，好似漆黑中嘅螢火蟲一樣咁鮮明出眾。
郭紹傑對此非常不滿：「你有冇發覺，佢成日無理地鬧『民主派』，成日追住你咬，又話人哋出賣香港，但係佢又同佢哋一齊影相喎，次次企中間，佢鬧人就得，人哋批評佢就唔得。我次次都中中中㗎，呀（阿）韓老師，話人哋係『賣港集團』，今次又同人影相啦，又係企中間，為咗影相可以去到幾盡？」
??家韓老鬼就刪晒佢所有鬧葉建源同主流反對派嘅po，不過當中咁多香脆花生，我哋又點可以唔分啲畀讀者，等大家睇波嗰陣都有嘢咬吓！