■中出羊子話偉哥仰匿喺英國，不過就唔知可唔可信嘞。中出羊子fb截圖「本土民主前線」發言人偉哥仰（黃台仰）着草去英國？話說「獨」人中出羊子噚日喺facebook話，佢同偉哥仰獲邀出席英國一間大學嘅研究所嘅內部錄影訪談，講香港「國民身份認同」同「本土運動」，翌日就喺附近名勝遊歷。
中出羊子仲話，偉哥仰「抵達至今沉醉學業」，亦都怕行蹤外洩，所以都好少見華人，臨別仲叫佢唔好再恥笑入緊冊嘅西瓜琦（梁天琦）。
不過佢就唔應承嘞，「原因是我不每天恥笑他，恐怕六年後梁天琦這個名字就已被世人遺忘。」
不過，中出羊子出晒名作風騎呢，而佢上載去facebook張相都只係張風景相，同「No Photo No Talk」無乜分別，唔知大家又信唔信佢講嘢呢？ ■香港文匯報記者 鄭治祖